Ane Labaka
Ane Labaka | |
---|---|
![]() | |
Bizitza | |
Jaiotzako izen-deiturak | Ane Labaka Mayoz |
Jaiotza | Lasarte-Oria, 1992ko abuztuaren 8a (32 urte) |
Herrialdea | ![]() |
Hezkuntza | |
Heziketa | Euskal Herriko Unibertsitatea |
Hizkuntzak | euskara gaztelania |
Jarduerak | |
Jarduerak | bertsolaria eta maisu/maistra |
Lan nabarmenak | ikusi
|
![]() ![]() ![]() |
Ane Labaka Mayoz (Lasarte-Oria, Gipuzkoa, 1992ko abuztuaren 8a) bertsolaria, idazlea, gidoilaria eta genero ikuspegia txertatzen duen ikerlaria da.
Bizitza
UPV/EHUn Euskal Ikasketetako Gradua bukatu zuen 2016an Gasteizen. Egun, euskara irakasle, itzultzaile, hezitzaile eta bertso-eskolako irakasle bezala dihardu. Lasarte-Oriako bertso-eskolako eta Donostiako Dokako bertso-eskolako partaidea da.[1]
UPV/EHUn Gizarte Antropologia masterra ikasi zuen eta Bertsolaritzan garatutako umorea(k), genero ikuspegitik ikerketa burutu zuen amaiera lana gisa. Bertan sexu-genero sistemaren eragina aztertu zuen bertsolaritza, umore, emakume eta botere harremanen arteko loturak aztertuz. Bere bizipenak aipatzeaz gain, 11 emakume elkarrizketatu zituen: Ainhoa Agirreazaldegi, Uxue Alberdi, Onintza Enbeita, Maialen Lujanbio, Alaia Martin, Amaia Agirre, Bea Egizabal, Nerea Elustondo, Aitziber Garmendia, Idoia Torregarai eta Irantzu Varela.[2][3] 2019an Gipuzkoako Bertsolari Txapelketako finala jokatu zuen.
Ikasketa Feministak eta Generokoak masterra bukatzean, berriz, 2017ko Bertsolari Txapelketa Nagusiko umorea aztergai, genero-ikuspegitik izan zuen ikergai.[4][5]
Txakur Gorria kolektiboko kidea da Ane Labaka eta 2019an Gure Eskuk abiatutako Tripontzia komiki digitala idatzi zuen Nerea Ibarzabalekin batera. Protagonista ezberdinak dituzten zazpi istoriok osatzen dute komikia, eta burujabetzaren norabidea eguneroko erabaki txikietan hartzen dela irudikatzen du lanak.[6]
2023an argitaratu zuen lehen eleberria, Barraskiloek baino bat gehiago. 10 urteko haur baten ahotsetik kontatu du istorioa. Sukaldeko mahaian, gurasoek banandu egingo direla jakinarazten dioten unean hasten da istorioa. Uxue Razkin Ereineko editoreari album ilustratu gisa eman zion bi urte lehenago, eta elkarrekin egin zuten bide gozagarri horretan nobela bihurtu zen.[7]
Lorpenak bertsolaritzan
- Bertsolari Txapelketa Nagusia:2022
- Final aurrekoak, bigarren txanda (1)
- Gipuzkoako Bertsolari Txapelketa:
- final-laurdenak (1): 2015
- finala-seigarrena (1):2019
- Euskal Herriko Eskolarteko Txapelketa:
- Txapeldun ordea: 2006 (txikitan), 2009 (handitan)
- Gipuzkoako Eskolarteko Txapelketa:
- Txapelduna: 2008 (handitan)
Sariak:
- Berritxu saria (1): 2008
- Hernandorena saria (1): 2010
- Osinalde saria (1): 2011
- Lizardi saria (1): 2014
- Señora sariketa (1): 2022
Literatura
Argitalpenak
![](http://upload.wikimedia.org/wikipedia/commons/thumb/7/7d/Ane_Labaka_durangon.jpg/250px-Ane_Labaka_durangon.jpg)
- Pirritx, Porrotx eta MariMotots eta Makulu Ken taldeentzako kantu-letrak.[1]
- Irrikituetan (Booktegi, 2017)[8]
- Algara mutilatuak. (Susaren Lisipe bilduma, 2021)[9]
- Ezpainetakoak.(Susa/EHAZE, 2021)[10][11]
- Erradikalak.(Susa/EHAZE, 2021)[12]
- Barraskiloek baino bat gehiago. Eleberria (Erein 2023)[7][13]
Sariak eta errekonozimenduak
- 2017an Mintzola Ahozko Lantegiak eta UPV/EHUko Laboa Katedrak esleitutako ikerketa proiektu saria, doktore tesietarako bidea sustatzekoa.[14]
- 2018an Maria Goyri saria, genero ikuspegia barne hartzen duten UPV/EHUko master amaierako lanei emandako saria.[15]
- 2018an Markina-Xemeingo Udalak antolatuzen duen XII. Peru Abarka Album Lehiaketaren idazlan irabazlea.[16]
Erreferentziak
- ↑ a b Elkartea, Xenpelar Dokumentazio Zentroa-Bertsozale. «Ane Labaka Mayoz» bdb.bertsozale.eus (Noiz kontsultatua: 2019-06-13).
- ↑ «Irriak norabide berean kolpatzen duenean beti...» Argia (Noiz kontsultatua: 2019-06-13).
- ↑ Garate, Miren. ««Esperimentatzeko eremu izugarria daukagu umorean»» Berria (Noiz kontsultatua: 2019-06-13).
- ↑ Labaka Mayoz, Ane. (2018-10). 2017ko Bertsolari Txapelketa Nagusiko umorea aztergai, genero-ikuspegitik. doi:http://hdl.handle.net/10810/29023. (Noiz kontsultatua: 2019-06-13).
- ↑ «Askotariko ikerketak, bertsolaritzaren inguruan» Mintzola (Noiz kontsultatua: 2019-06-13).
- ↑ Alzuru, Jone Bastida. ««Hitzetatik ekintzetara pasatu gara komikian»» Berria (Noiz kontsultatua: 2020-04-29).
- ↑ a b SL, TAI GABE DIGITALA. (2023-10-06). «10 urteko haur baten ahotsetik kontatu du Ane Labakak ‘Barraskiloek baino bat gehiago’ nobela» naiz: (Noiz kontsultatua: 2023-10-10).
- ↑ ZIRRIKITUETAN
- ↑ Biain, Aitor. «Umorearen zauriaz, feminismotik» Berria (Noiz kontsultatua: 2021-03-23).
- ↑ Labaka Mayoz, Ane 1998-. Ezpainetakoa. ISBN 9788491093435. PMC 1084517231. (Noiz kontsultatua: 2019-06-13).
- ↑ «'Ezpainetakoa', helduentzako album iradokitzailea» El Diario Vasco 2018-11-10 (Noiz kontsultatua: 2019-06-13).
- ↑ [https://susa-literatura.eus/liburuak/ganb16 Erradikalak Ane Labaka Mayoz / Beatriz Egizabal Ollokiegi, 2022]
- ↑ Alzuru, Jone Bastida. (2023-10-14). «Neskato bat familia ereduez gogoetan» Berria (Noiz kontsultatua: 2023-10-14).
- ↑ «Baditugu aurtengo deialdiko sarituak» Mintzola (Noiz kontsultatua: 2019-06-13).
- ↑ «Maria Goyri saria jasoko du Ane Labakaren ikerketak» Mintzola (Noiz kontsultatua: 2019-06-13).
- ↑ «Ane Labakaren "Ezpainetakoa" idazlanak irabazi du Peru Abarka Album Lehiaketa - Lea-Artibai eta Mutrikuko Hitza» Lea-Artibai eta Mutrikuko Hitza 2018-04-24 (Noiz kontsultatua: 2019-06-13).
Kanpo estekak
- {Bideoa} BAZINEN BEHIN: Ane Labaka, umorean aditu.
- (Bideoa) “Ezpainetakoa” aurkezpen ekitaldia.
- Elkarrizketa: "Oxala dena aldatuko bagenu pixkanaka" Berria, 2020.08.20
- Elkarrizketa: "Umoreaz serio"Berria, 2021.09.05
Datuak: Q28790557