Arantzazu Bizkaiko udalerri txikia da, Arratian dagoena. 411 biztanle zituen 2017. urtean, INEko datuen arabera.
Geografia
Inguru naturala eta kokapena
Herria Arratia eskualdean dago, Bizkaia hegoaldeko mendietatik gertu. Arantzazuko udalerri mugakideak honakoak dira: iparraldean Igorre, mendebaldean Zeberio, ekialdean Dima eta hegoaldean Arteaga.
Auzoak
Olarra
Zelaia (Arantzazu)
Demografia
Arantzazuko biztanleria
Politika
2015eko maiatzaren 24ko hauteskundeetako emaitzen ondorioz Igor Meñika Bengoetxea (EH Bildu) da Arantzazuko alkatea, Begoña Llanoren (EAJ) ondotik. Meñikak alkatetza lortu zuen zozketaz, EH Bildu eta EAJko zerrendek 132na boz jaso ondoren.[4]
Datuen iturria: Udal hauteskundeen emaitzak euskadi.eus webgunean
Kultura
Euskara
Arantzazuko Matilde Artetxe[5] eta Maria Lourdes Etxebarria[6] (Ahotsak[7] proiekturako)
Arantzazun[8] mendebaldeko euskalkia erabiltzen da, zehatzago esanda, herriko hizkera Arratiakoa[9] da, sartaldeko mendebalderaren aldaera[10].
Ondasun nabarmenak
Arantzazuko San Pedro eliza 1828an amaitu zuten eraikin nahiko berria den arren, bertan lehenago eliza bat izan zela frogatzen duten hainbat dokumentu aurkitu dira.