Arouca Portugalgo ipar-mendebaldeko kontzeju bat da, Portoko metropoli eremukoa.[1] Administratiboki Aveiroko barrutian sartuta dagoen arren, ezaugarri fisiko, orografiko, geologiko, etniko, gastronomiko eta linguistikoen aldetik Portoko barrutiko udalerrien nortasuna du.[2] Izan ere, historikoki Porto hiriarekin izan ditu harreman eta lotura nagusiak, eta halaxe ditu gaur egun ere; Aveirorekiko loturak eta harremanak, berriz, beti izan dira urriak, burokraziara mugatuak. 2006ko erroldan, Aroucak 23.874 biztanle zituen.