Aurèlia Muñoz Ventura
Aurèlia Muñoz Ventura | |
---|---|
Bizitza | |
Jaiotzako izen-deiturak | Aurèlia Muñoz Ventura |
Jaiotza | Bartzelona, 1926 |
Herrialdea | ![]() |
Heriotza | Bartzelona, 2011ko ekainaren 9a (84/85 urte) |
Hezkuntza | |
Heziketa | Escola Massana |
Hizkuntzak | gaztelania katalana |
Jarduerak | |
Jarduerak | artista, diseinatzailea, ehungintzako artista eta ehulea |
Jasotako sariak | ikusi
|
aureliamunoz.cat eta aureliamuñoz.com |
Aurèlia Muñoz Ventura (Tarragona, 1926 – Bartzelona, 2011ko ekainaren 9a) kataluniar artista izan zen. Artista honen obra ehungintzaren ikerketari lotuta dago eta arlo horretan egin zuen ekarpena funtsezkoa izan da. Era berean, artearen eta artisautzaren defendatzaile handia izan zen, bere obran bien arteko sinbiosia lortu zuen.
Biografia
Bartzelonan jaio zen 1926an, Montserrat Institutuan ikasi zuen, Montessori metodoa jarraitzen zuen eskolan, han eskuekin lan egiten eta espazioa antolatzen hasi zen. Gero, Arte Aplikatuen Eskolan eta Bartzelonako Massana Eskolan ikasi zuen.
Ehungintza: artisautza eta artea
1970etik aurrera, tapizari buruzko berritze- eta azterketa-lanari ekin zion, antzinako korapiloen eta arropen ikerketan eta hiru dimentsioko lanaren aukeretan oinarrituta, eta, aldi berean, artisautza eta ehuna aldarrikatu zituen kultura-adierazpen gisa.[1]
Makramea bere tapizen oinarria da. Estandarteak, jantziak, zilindro handiak eta pieza eraldagarriak egin zituen, sisal-sokak erabiliz.
Nazioartean oihartzun handienetarikoa duen Kataluniako ehun-artistetako bat da. Bere lana hamaika museotan ikus daiteke, besteak beste, Kataluniako Arte Museo Nazionalean,[2] MACBA,[3] Reina Sofía Arte Zentroko Museo Nazionala,[4] Madrileko Colección Masaveu,[5] Amsterdameko Stedelijk Museoan edota New Yorkeko MoMa museoan.[6][7]
Muñoz Bartzelonan hil zen 2011ko ekainaren 9an.[8] 2019an, artistaren familiak zazpi pieza eta Muñozen marrazki-bilduma bat eman zizkion Kataluniako Arte Museo Nazionalari.[9]
Sariak eta aitortzak
- 1968an, Parisko Zilarrezko Domina.
- 1975ean, Brontzezko domina Lodzeko Tapizaren III. hirurtekoan.[10]
- 1976an, Convergence 76 saria, Pittsburg.
- 1980an, Kultura Ministerioaren "Artes del Libro y Enkoadernación" saria, Bartzelona.
- 1982an, Kirolaren Biurteko Saria, Madril.
- 1985ean, Brontzezko domina Lodzeko Tapizaren VI. hirurtekoan.[10]
- 1993an, Creu de Sant Jordi, Kataluniako Generalitateak emana.
Erreferentziak
- ↑ Aurèlia Muñoz i Ventura. .
- ↑ Aurelia Muñoz. MNAC. .
- ↑ Aurèlia Muñoz. .
- ↑ Aurèlia Muñoz. .
- ↑ ARCOmadrid celebra el apoyo del mundo del arte en una de sus ediciones más maduras. .
- ↑ Aurèlia Muñoz, entre el MoMA y el MNAC. .
- ↑ Aurèlia Muñoz. Biografía.. .
- ↑ «Esquela online de Aurelia Muñoz Ventura fallecido en Barcelona #DEP» www.rememori.com.
- ↑ Anudar el espacio. Donación Aurèlia Muñoz. .
- ↑ a b «Aurelia Muñoz Ventura | Real Academia de la Historia» dbe.rah.es.
Kanpo estekak
Datuak: Q19289922