Basilio Martín Patino
Basilio Martín Patino | |
---|---|
![]() (2013) ![]() | |
Bizitza | |
Jaiotza | Lumbrales, 1930eko urriaren 29a |
Herrialdea | ![]() |
Heriotza | Madril, 2017ko abuztuaren 13a (86 urte) |
Familia | |
Ezkontidea(k) | ezkongabea |
Anai-arrebak | ikusi
|
Hezkuntza | |
Heziketa | Salamancako Unibertsitatea |
Hizkuntzak | gaztelania |
Jarduerak | |
Jarduerak | film-zuzendaria, zinema gidoilaria, zinema ekoizlea, aktorea eta gidoilaria |
Jasotako sariak | ikusi
|
![]() ![]() ![]() ![]() |
Basilio Martín Patino (Lumbrales, Salamanca, 1930eko urriaren 29a - Madril, 2017ko abuztuaren 13a) espainiar zinema-zuzendaria izan zen.
Biografia
Filosofia eta letretako ikasketak egin zituen Salamancan, eta Cinema Universitario aldizkaria eta zinema-klub bat sortu zituen bertan. Madrila aldatu zen geroago, Zinemako Eskola Ofizialean zuzendaritza ikastera. Hasieran telebistarako eta publizitateko lanak egin zituen, baina ondoren zinemagintzan hasi zen. Bi film labur zuzendu zituen lehenik, eta 1965ean egin zuen lehenengo film luzeak, Nueve cartas a Berta (Bederatzi gutun Bertari), Donostiako Zinemaldian Zilarrezko Maskorra irabazi zuen[1]. Garai hartako film espainiar onenetakoa izan zen, eta bere lanetan azpimarratzekoa da Frantziako Nouvelle Vagueren eragina. Baina Martín Patinok ideia aurrerazaleak aldeztu izan zituen, eta horrek arazoak sortu zizkion zentsurarekin, adibidez Canciones para después de una guerra (1971, Gerra ondoren baterako kantuak) filmean, zeina debekatuta egon baitzen Francoren diktaduraren garaian. Geroago egin zituen Queridísimos verdugos (1974, Borrero maiteak) edo Caudillo (1976), artxiboko irudien bitartez (irudi horietako batzuk aurretik Espainian sekula ikusi gabeak ziren), Espainiako azken urteetako historiaren ikuspegi kritikoa eskaintzen duten filmak. Dena dela, batetik zentsuraren eraginez, eta bestetik eskakizun komertzialen aurrean amore eman ez izanaren eta une jakinetako gertaeren arrakasta (turismoa, etab.) baliatu nahi ez izanaren eraginez, ez zen oso zinemagile oparoa izan. 2007. urtean Salamancako Unibertsitateak doctor honoris causa izendatu zuen.
Filmografia
- Libre te quiero (2012)
- Espejos en la niebla (2008)
- Capea (2005)
- Fiesta (2005)
- Corredores de fondo (2005)
- Homenaje a Madrid (2004)
- Octavia (2002)
- Andalucía: un siglo de fascinación (1996)
- La seducción del caos (1991)
- Madrid (1987)
- Los paraísos perdidos (1985)
- El horizonte ibérico (1983).
- El nacimiento de un nuevo mundo (1982)
- Inquisición y libertad (1982)
- Retablo de la Guerra Civil Española (1980)
- Hombre y ciudad (1980)
- Caudillo (1974)
- Queridísimos verdugos (1973)
- Canciones para después de una guerra (1971)
- Paseo por los letreros de Madrid (1968)
- Rinconete y Cortadillo (1967)
- Del amor y otras soledades (1968)
- Nueve cartas a Berta (1966)
- Imágenes y versos de la navidad (1962). Film laburra
- Torerillos (1962). Film laburra
- El noveno (1961). Film laburra
- Tarde de domingo (1960). Film laburra
- Imágenes sobre un retablo (1955). Film laburra
Erreferentziak
- ↑ Nueve cartas a Berta Basiliomartinpatino.com
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo loturak
Datuak: Q2638302
Multimedia: Basilio Martín Patino / Q2638302