Club Portugalete
Club Portugalete | |||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||||||||
Datuak | |||||||||||||||||||||||||||||||||
Mota | futbol-kluba | ||||||||||||||||||||||||||||||||
Herrialdea | Espainia | ||||||||||||||||||||||||||||||||
Liga | Hirugarren Federazioa | ||||||||||||||||||||||||||||||||
Estadioa | La Florida: Portugalete 43°19′06″N 3°01′38″W / 43.31833°N 3.02722°W / 43.31833; -3.02722 | ||||||||||||||||||||||||||||||||
Agintea | |||||||||||||||||||||||||||||||||
Entrenatzailea | Asier Santana | ||||||||||||||||||||||||||||||||
Egoitza nagusi |
| ||||||||||||||||||||||||||||||||
Historia | |||||||||||||||||||||||||||||||||
Sorrera | 1909 | ||||||||||||||||||||||||||||||||
Koloreak | |||||||||||||||||||||||||||||||||
| |||||||||||||||||||||||||||||||||
webgune ofiziala |
Club Portugalete, "Portu" ere esaten zaiona, Portugaleteko futbol taldea da. 1909an sortua, egun Hirugarren Mailan jokatzen du.
Historia
Futbola Portugaletera ailegatu zen XIX. mendeko amaieran, Bilboko itsasadarrera etortzen ziren itsasgizonen eskutik eta Ingalaterran ikasten zuten Portugaleteko gazteen eskutik ere. Portugaleteko lehen taldea Athletic de Portugalete izan zen, 1899n sortu zena. Hala ere, gaurko taldeak 1909an ezartzen ditu bere sustraiak, Club Deportivo Portugalete sortu eta federatu zenean. Bere lehen presidentea Alfredo Hervias izan zen.
Taldearen koloreak urte batzuk beranduago sortu ziren, 1912an Txapelketa Erregionaleko Bigarren maileko txapeldunordea izatean, Arenas Club de Getxoren atzetik. Irabazleari kamiseta gorri-beltz sorta ematen bazitzaion (ordutik aurrera Arenas-en koloreak izango zirenak), Portuk kamiseta horibeltz sorta jaso zuen.
1915ean Portu Ipar Txapelketa Erregionaleko lehen mailera igo zen, Racing de Santander bezalako historiko bati irabazi eta gero. Hurrengo urtean kategoriaren berrantolaketa batek Portu alboratu zuen, eta taldeak iharduera bertan behera utzi zuen urte batzuetarako.
Taldea hainbat izenekin bersortu zen, lehen Portugalete F.C bezala 1921ean, Portugalete Chiqui izenarekin Espainiako Gerra Zibila bitartean eta azkenik Nuevo Club Portugalete bezala 1944an. Izen hau da gaur egun mantentzen duena, adjektiboa galduta.
1951ean lehen aldiz igo zen Hirugarren Mailara, kategoria erregionaletan izan eta gero. Hortik aurrera horretan eta erregionaletan ibili izan da, 2005ean Bigarren B Mailara igotzea lortu zuen arte. Urtebete egin zuen eta ordutik hirugarren mailako goiko postuetan aritu da. 2009an Valenciak jokatu zuen Portugaleten Errege Kopako partidan.
2012tik aurrera lehan hiru postuetan sailkatu izan da urtero. 2015ean 3. mailako liga irabazi eta play-offean Talavera, Martos eta Cayón gaindituta berriz ere bigarren B mailara igotzea lortu zuen baina urtebete egin zuen bertan. 2019-20 denboraldiko Errege Kopan 2. mailako Extremadura UD kanporatu zuen baina hurrengo partidan 1. mailako Real Betis 3-0 gailendu zitzaion.
2020an Bigarren B mailara itzuli zen eta hurrengo urteko berrantolaketan Hirugarren Federazioan hasi zuen ibilbidea. 2023-24an Bigarren Federaziora igotzear egon zen baina itzulerako partidan Unión Sur Yaiza talde kanariarrak 95. minutuan berdindu ondoren penalti jaurtiketatan kale egin zuen Portugaletek.
Uniformea
Elastiko horia eta beltza, praka beltzak eta galtzerdi beltzak.
Futbol zelaia
La Florida Portugaleteko izen bereko auzoan, 1951eko abenduaren 25ean inauguratua, 3.000 ikusleentzako lekuarekin. 103x64 metro dauzka.
Datuak
2024-25 barne:
- Denboraldiak Lehenengo Mailan: 0
- Denboraldiak Bigarren Mailan: 0
- Denboraldiak Bigarren B Mailan: 3
- Denboraldiak Lehen Federazioan: 0
- Denboraldiak Bigarren Federazioan: 0
- Denboraldiak Hirugarren Mailan: 32
- Denboraldiak Hirugarren Federazioan: 4
- Emaitzarik onena: 19.a (Bigarren B Maila, 2005-06 eta 2015-16 denboraldia)
Palmaresa eta ibilbidea
Hirugarren Mailaren IV. Multzoko irabazlea bitan: 2005 eta 2008.
Denboraldia | # | Maila | Emaitza | Kopa |
---|---|---|---|---|
2004-05 | 4 | Hirugarren Maila | 1.a (igo) | |
2005-06 | 3 | Bigarren B Maila | 19.a (jeitsi) | 2. itzulia |
2006-07 | 4 | Hirugarren Maila | 3.a | |
2007-08 | 4 | Hirugarren Maila | 1.a | |
2008-09 | 4 | Hirugarren Maila | 5.a | final 1/32 |
2009-10 | 4 | Hirugarren Maila | 2.a | |
2010-11 | 4 | Hirugarren Maila | 6.a | final 1/32 |
2011-12 | 4 | Hirugarren Maila | 3.a | |
2012-13 | 4 | Hirugarren Maila | 3.a | |
2013-14 | 4 | Hirugarren Maila | 2.a | |
2013-14 | 4 | Hirugarren Maila | 1.a | |
2014-15 | 4 | Hirugarren Maila | 1.a (igo) | |
2015-16 | 3 | Bigarren B Maila | 20.a (jeitsi) | 1. itzulia |
2016-17 | 4 | Hirugarren Maila | 5.a | |
2017-18 | 4 | Hirugarren Maila | 2.a | |
2018-19 | 4 | Hirugarren Maila | 1.a | |
2019-20 | 4 | Hirugarren Maila | 1.a (igo) | 2. itzulia |
2020-21 | 3 | Bigarren B Maila | 8.a/4.a | 2. itzulia |
2021-22 | 5 | Hirugarren Federazioa | 3.a | |
2022-23 | 5 | Hirugarren Federazioa | 6.a | |
2023-24 | 5 | Hirugarren Federazioa | 5.a | |
2024-25 | 5 | Hirugarren Federazioa |
- 2005-06: Real Unionen aurka galdu zuen bigarren errondan (0-1).
- 2008-09:
- SD Ciudad de Santiago irabazi zuen lehenengo errondan (0-1).
- Écija Balompié irabazi zuen bigarren errondan (0-1).
Lehen taldea denboraldika
Erreferentziak
Kanpo estekak
- Taldearen webgune ofiziala
- Argikuntza Taldeko webgunea
Datuak: Q868039