Enaizpuru
Enaizpuru | |
---|---|
Datu orokorrak | |
Garaiera | 733 m |
Mota | mendi |
Geografia | |
![]() | |
Koordenatuak | 43°10′19″N 2°07′54″W / 43.171983°N 2.131616°W / 43.171983; -2.131616 |
Herrialdea | ![]() |
Probintzia | ![]() |
Eskualde | Tolosaldea |
Udalerria | Alkiza |
Enaizpuru edo Endaizburu Hernioko mazizoari iparrekialdetik eusten dioten mendietako bat da. Punturik altuenean 733 m-ko altitudea du. Gailurrean bi muino bereizten dira, bata bestetik 100 bat metrora, apenas gora-beherarik gabeko lepo batez lotuak. Bata, hegomendebaldekoa, larre eremu zabal batez osatuta dago eta irekia da (-2.13262756, 43.1711970, 731 m.), ikusmira zabalekoa; bestea, iparrekialdekoa, kareharrizko eremu zakar batek osatzen du eta basoak eta sasiak estaltzen dute (43.171983 N, -2.131616 E, 733 m)[1].
Enaizpururen iparrekialdeko harkaitzetan du iturburua izen bereko errekastoak: Aranguren errekaren adarretako bat[2].
Enaizpururen azpialdean Itxuraingo tumulua eta larreak daude. Inguru horretan Alkizako udala eta herriko hainbat ganaduzale trantsizio-larreak berreskuratzeko interbentzio bat egiten ari dira 2016tik aurrera Fagus-Alkiza proiektuaren baitan[3].
Erreferentziak
- ↑ «Endaizburu | Euskal-Herria.Org» www.euskal-herria.org (Noiz kontsultatua: 2021-02-14).
- ↑ Aranburu, Pello Joxe. (2003). Alkiza auzo eta hiribilduaren : azterketa historikoa (1348-1950). Alkizako Udala, 42 or. ISBN 84-606-3058-7. PMC 434253952. (Noiz kontsultatua: 2021-02-14).
- ↑ Alkiza – FAGUS. (Noiz kontsultatua: 2021-02-14).
Kanpo estekak
Datuak: Q105494408