Etene Nanai-Seturo
Etene Nanai-Seturo | |
---|---|
![]() (2017) | |
Bizitza | |
Jaiotza | Auckland, 1999ko abuztuaren 20a (25 urte) |
Herrialdea | ![]() |
Hezkuntza | |
Heziketa | Saint Kentigern College (en) ![]() |
Jarduerak | |
Jarduerak | hamabosteko errugbilaria eta zazpiko errugbi jokalaria |
Parte-hartzailea
| |
Posizio edo espezialitatea | hegalekoa atzelaria |
![]() ![]() |
Etene Nanai-Seturo, (Auckland, Zeelanda Berria, 1999ko abuztuaren 20a), Zelanda Berriko Hamabosteko eta Zazpiko errugbi jokalaria da. 2019az geroztik, Super Rugbyko Chiefs taldearekin hegaleko edo atzelari gisa jokatzen du.
Biografia
Gazteria eta prestakuntza
Etene Nanai-Seturo Aucklanden jaio zen, eta bere herriko hegoaldeko auzoetan hazi zen, Otara hirian[1]. Samoar jatorriko familiakoa da[1].
Gaztetan, Otahuhu Leopards taldean sartu aurretik hasi zen errugbi ligan jokatzen, Otara Scorpions klubean[1]. Gainera, Counties Manukau Stingrays-eko gazte-taldeak ordezkatzen ditu Lehiaketa Nazionalaren junior bertsioan[2][3]. 2016an, lehiaketa hori irabazi zuen[4]. Gazteen artean izandako jardun onari esker, 15 urterekin, bost urteko kontratua sinatu zuen New Zealand Warriors taldearekin, Zelanda Berriko errugbi liga profesionaleko frankizia bakarrarekin[5]. Azken hauek, noski, Nanai-Setuto babestu nahi zuten bertako errugbi talde boteretsuen gutiziatik[5].
Nanai-Seturok Saint Kentigern College-n ikasten zuen, Aucklanden, non hamabosteko errugbia praktikatzen hasiko zen[6]. Bere talentu eta goiztiartasunagatik, azkar nabarmendu zen, hiru urtez bere elkarteko lehen taldearekin jokatuz[6]. Aldi berean, Blues-en 18 urtez azpiko taldearekin ere jokatu zuen, baita Zeelanda Berriko eskola-selekzioarekin ere 2017an[6][7].
Hasiera profesionalak eta ibilbidea Zazpikoan
Batxilergoa amaitu ondoren, bere ibilbidea hamabostekoan jarraitzea erabaki zuen, Warriors-ekin beste bi urterako kontratua izan arren[5]. Orduan, Zeelanda Berriko hamabosteko errugbi federazioa hurbildu zitzaion, eta zazpiko errugbiko programa nazionalean sartzeko kontratatu zuen[6][8]. Hautaketa hori dela eta, hamahiruko errugbi-federazioak epaiketa-judiziala ezartzen dio, Nanai-Seturok eta hamabosteko federazioak ez dutela sinatutako kontratua errespetatu argudiatuz[6].
2018ko urtarrilan, Nanai-Seturo lehen aldiz hautatuko dute Zeelanda Berriko zazpiko errugbi taldearako, Sydneyko txapelketaren karira, Sevens Series-en barruan[9][10]. Denboraldian zehar, beste lau txapelketa jokatu zituen, guztira zortzi entsegu lortuz. Urte bereko apirilean, bere taldeak irabazitako 2018ko [[Commonwealtha|Commonwealth Jokoetan jokatu zuen, pertsonalki lau partidatan bost entsegu lortu ostean[11][12]. Hala ere, 2018ko Rugby Sevens Munduko Kopa galdu zuen lesio baten ondorioz[13].
Geroago, 2018an, Counties Manukau probintziako taldean mantendu zen NPC denboraldia jokatzeko[14][15]. Profesional mailan, bere lehen denboraldian, sei partida jokatu zituen, lau titular moduan[16].
Hamabosteko profesionaletan debutatu eta gutxira, Chiefs frankiziak atxiki zuen 2019ko Super Rugby denboraldian jokatzeko[17]. 2019ko otsailaren 15ean egin zuen debuta, Highlanders-en aurka, eta, aldi berean, bikoitz bat lortu zuen[18]. Gaztea eta konpetentia izan arren, berehala inposatu zen bere talde berrian, eta hamaika partida jokatu zituen bere lehen denboraldian bost entsegu eginez.
Geroago, 2019an, Zelanda Berriko 20 urtez azpiko taldearekin hautatu zuten Argentinako 2019ko junior mailako Munduko Txapelketan lehiatzeko[19][20].
2019an ere, Zazpiko selekziora itzuli zen 2020ko Olinpiar Jokoak helburu[21]. 2020ko martxoan, Covid-19 pandemiaren ondorioz denboraldia eten aurretik, Sevens Series-en lau txapelketa jokatu zituen[22].
Zazpiko denboraldia amaitu ondoren, Chiefsera itzuli zen Super Rugby Aotearoarako (Zeelanda Berria), non bi partida baino ez zituen jokatu[23].
Handik gutxira, 2020ko abenduaren 5ean, bere jatorria samoarra zela eta, Moana Pasifika talderako hautatu zuten, Pazifikoko Uharteak ordezkatzen zituen selekziorako, Maori All Blacks-i aurre egiteko[24].
2021eko urte hasieran, Super Rugby Aotearoan jokatu zuen Chiefsekin, eta txapeldunorde gisa amaitu zuen lehiaketa[25]. Orduan, Super Rugby Trans-Tasmanen ez jokatzea erabaki zuen, geratzen zen denboraldiaren zatia Zazpiko selekzioan zentratu ahal izateko[26].
2021eko uztailan, Tokioko Olinpiar Jokoetarako, Zelanda Berriko talderako hautatuko dute[27]. Selekzioak zilarrezko domina lortuko du Fijiren aurkako finalean porrotaren ostean[28].
Olinpiar Jokoak
2020ko Udako Olinpiar Jokoetan, Tokio 2020an (Tokio), zilarrezko domina irabaziko du Zeelanda Berriko taldearekin, Fijiko taldearen atzetik (urrezkoa) eta Argentinakoaren (brontzezkoa) aurretik sailkatuz. Hauek osatuko dute Zeelanda Berriko taldea: Kurt Baker, Dylan Collier, Scott Curry, Andrew Knewstubb, Ngarohi McGarvey-Black, Tim Mikkelson, Sione Molia, Etene Nanai-Seturo, Tone Ng Shiu, Amanaki Nicole, William Warbrick, Regan Ware eta Joe Webber-ek[29][30].
Olinpiar Jokoetako Emaitzak
Udako Olinpiar Jokoak | |||
---|---|---|---|
Urtea | Lekua | Domina | Proba |
2020 | Tokio ![]() | 02 !![]() | Zazpiko-errugbia gizonezkoa[31]. |
Gainerako lorpenak
Hamabosteko errugbian
- Super Rugby Aotearoa txapeldunordea 2021ean Chiefs-ekin.
Zazpiko errugbian
- 2018an, Commonwealth Jokoen irabazlea.
- 2020an World Rugby Sevens Serieseko irabazlea.
Oharrak eta erreferentziak
- ↑ a b c Q & A with local born All Black 7s Rugby Sensation Etene Nanai-Seturo. 3 juillet 2020.
- ↑ Falcons fly high at NZRL Youth Nationals. 3 octobre 2014.
- ↑ Falcons v Stingrays in youth finals. .
- ↑ League: Youth champions found. 30 septembre 2016.
- ↑ a b c Rugby: Lessons must be learned in Etene Nanai-Seturo case. 1 février 2018.
- ↑ a b c d e The battle for talent - the Etene Nanai saga. 1 février 2018.
- ↑ Auckland schoolboys named in New Zealand Schools Development camp. 24 septembre 2017.
- ↑ NZ Rugby succeed in convincing Etene Nanai-Saturo to leave Warriors. 16 février 2018.
- ↑ New cap Etene Nanai-Seturo set for NZ sevens debut in Sydney with Caleb Clarke on call. 24 janvier 2018.
- ↑ Schoolboy Prodigy named in New Zealand Sevens squad. 25 janvier 2018.
- ↑ Etene Nanai-Seturo earns late sevens callup as injury and illness strike. 3 avril 2018.[Betiko hautsitako esteka]
- ↑ La Nouvelle-Zélande rafle tout aux Jeux du Commonwealth. 16 avril 2018.
- ↑ Four Fijians named in NZ 7s World Cup squad. 10 juillet 2018.
- ↑ New look Counties Manukau ready to make impact. 3 août 2018.[Betiko hautsitako esteka]
- ↑ Mitre 10 Cup: Sevens star Etene Nanai-Seturo ponders league return. 14 septembre 2018.
- ↑ Etene Nanai-Seturo. .
- ↑ All Black sevens star signs with Chiefs. 31 octobre 2018.
- ↑ Highlanders beat Chiefs in season opener. 15 février 2019.
- ↑ New Zealand Under 20 squad named for World Rugby Under 20 Championship. 9 mai 2019.
- ↑ Etene Nanai-Seturo to let actions do the talking at under-20 world championships. 1 juin 2019.
- ↑ Four Super Rugby stars join All Blacks Sevens' 2019/2020 campaign to make Olympics squad. 22 août 2019.
- ↑ Coronavirus: Rising Super Rugby stars face wrenching Olympics decision. 9 avril 2019.
- ↑ https://www.chiefs.co.nz/news-item/etene-nanai-seturo-excited-for-gallagher-chiefs-return. 12 juin 2020.
- ↑ Historic first squad for Moana Pasifika unveiled. 24 novembre 2020.
- ↑ Crusaders' dynasty continues with Super Rugby Aotearoa title. 8 mai 2021.
- ↑ Super Rugby: Chiefs winger Etene Nanai-Seturo opts in for Olympics sevens campaign. 7 mai 2021.
- ↑ Experienced Rugby Sevens teams named for Tokyo Olympics Games. 2 juillet 2021.
- ↑ Tokyo Olympics: All Blacks Sevens have to settle for silver as Fijians strike gold again. 28 juillet 2021.
- ↑ «Etene Nanai-Seturo» olympedia.org 2022-02-08an. begiratua(Ingelesez)
- ↑ «Etene Nanai-Seturo» Olympics.com 2022-02-08an begiratua (Gaztelaniaz)
- ↑ "Zazpiko-errugbia, gizonezkoa, emaitzak 2020" olympedia.org (Ingelesez)
Kanpo estekak
- Kirolarekin lotutako baliabideak :
- All.Rugby Artxibatua
- Comité olympique de Nouvelle-Zélande Artxibatua
- It's Rugby Artxibatua
- World Rugby Sevens Series Artxibatua
- (en) ESPNscrum Artxibatua
Datuak: Q48471804