Fumaria capreolata

Fumaria capreolata
Irudi gehiago
Sailkapen zientifikoa
Erreinua	Plantae
Ordena	Ranunculales
Familia	Papaveraceae
Generoa	Fumaria
Espeziea	Fumaria capreolata Linnaeus, 1753

Fumaria capreolata, Esuakl Herriko hainbat tokitan uso bedarra esaten zaiona^[1], Papaveraceae familiako landare mota bat da, Europa hegoaldean jatorria duena.

Zurtoin igokaria du, errestan ere joan daiteke, eta 100 cm-tako altuera hartzera iristen da. Lobulu anitzeko hostoak ditu, atal lantzeolatuak dituztenak eta txandakakoak.

Otsailetik abuztura lore multzoak ateratzen ditu, 20 lore inguruko multzoak (14-25). Loreak txikiak dira, 10-14 mm artekoak, zuriak eta muturrean gorrindol koloreko orban bizia dutenak^[2]. Polinizatu ondoren orbana arroxa bihurtzen da, apaldu egiten da dagoeneko polinizaturik dagoela adierazteko^[3]. Bi sepalo ere baditu lore bakoitzak, zuri-gardenak eta petalo itxurakoak. Loreen petaloak fusionaturik daude, hodi bat sortuz eta muturrean bereizi egiten dira.

Fruitua akenio txiki leun bat da eta braktea batzuek babesten dute.

Erraz hazten da gizakiaren presentzia nabarmena den tokietan, harrizko hesietan, landare hesietan, kultiboetan edota mugitu diren lurretan. Itsasoaren mailatik 1.000 metrotako altueraraino aurkitzen da^[2].

Jatorriz Europa hegoaldekoa bada ere erraz naturalizatzeko duen gaitasun horregatik gaur egun mundu zabalean aurkitzen da. Europaz gain Asia mendebaldean, Afrika iparraldean, Hego Amerikan, Australian eta Zeelanda Berrian aurkitzen da gaur egun^[4].

• 
  Lore multzoa.
• 
  Loreak.
• 
  Hostoak.

• Datuak: Q159985
• Multimedia: Fumaria capreolata / Q159985
• Espezieak: Fumaria capreolata