Gaspar Melchor de Jovellanos (margolana)
Gaspar Melchor de Jovellanos (margolana) | |
---|---|
![]() | |
Jatorria | |
Sortzailea(k) | Francisco Goya |
Sorrera-urtea | 1798 |
Mugimendua | neoklasizismoa |
Ezaugarriak | |
Materiala(k) | olio-pintura eta Margo-oihala |
Dimentsioak | 205 (![]() ![]() |
Genero artistikoa | erretratua |
Egile-eskubideak | jabetza publiko |
Deskribapena | |
Kokapena | |
Lekua | Pradoko Museoa |
Bilduma | Pradoko Museoa |
Inbentarioa | P003236 |
Gaspar Melchor de Jovellanos 1798an Francisco de Goyak egin zuen olio-pintura da. Lanean Jovellanos politikari, idazle eta ekintzaile ilustratua erakusten du. Lanaren dimentsioak hauek dira: 205x133.
Historia
Gaspar Melchor de Jovellanos, Grazia eta Justiziako Ministroa, bere jatorrizko hirian, Gijónen, deserritua egon zen nekazari erreformak eta askatasun ekonomikoa defenditzeagatik. Erretratu hau Goyak Aranjuezen egin zion, 1798an, Jovellanos Madrilera itzuli eta gutxi. Urte bereko abuztuan Jovellanosek postua utzi behar izan zuen bere erreformek sortutako iskanbilaren ondorioz.[1]
Goya eta Jovellanos arteko harreman
1783an, Jovellanos bera Goyak Salamancako Unibertsitatea Inmaculada ikastetxeko elizaren aldare nagusian hiru margolan egiteko enkarguaren bitartekaria izan zen. Margolan horiek Iberiar Penintsulako Gerra txikituak izango ziren. Bitartekaritza hori eskertzeko Goyak Jovellanosi gaur egun Pradoko Museoan dagoen Andre Mariaren sortze garbiaren zirriborroa oparitu zion.[2]
Deskribapena
Erretratuan Jovellanos ministro bezala agertzen da, bere lan-mahaiaren aurreran. Argia idazlearen gainean erortzen da; bitartean gela iluntasunean dago, kontraste handia ezarriz. Jovellanosen arropa oso soila da: ez dauzkak kondekoraziorik ezta ere apaingarririk. Protagonista pentsakor ageri da, burua esku batean gainean jarrita. Jarrera horrek XV. mendetik sarritan malenkonia adierazi du; Jovellanos bere lagunen artean "Malenkoniatsua" bezala ezagutzen zuten. Mahai gainean Minervaren eskultura ikus daiteke, arteen eta jakinduriaren jainkosa; bere keinuak, nolabait, Jovellanos babesten du. Jainkosaren ezkutuan Jovellanosek bultzatu zuen Real Instituto Asturiano de Náutica y Mineralogía erakundearen ikurra ikus daiteke. Jovellanos lanean dago eta, horregatik, mahai gainean paperak eta dokumentuak ikusten dira.[1]
Erreferentziak
- ↑ a b Gaspar Melchor de Jovellanos margolanaren fitxa.
- ↑ La Inmaculada Concepción lanaren fitxa. Pradoko Museoa.
Datuak: Q17519475
Multimedia: Gaspar Melchor de Jovellanos (Goya - Museo del Prado) / Q17519475