Ivan Skvortsov-Stepanov
Ivan Skvortsov-Stepanov | |||
---|---|---|---|
![]() ![]() | |||
| |||
Bizitza | |||
Jaiotza | Noginsk, 1870eko martxoaren 8a | ||
Herrialdea | ![]() ![]() | ||
Heriotza | Sotxi, 1928ko urriaren 8a (58 urte) | ||
Hobiratze lekua | Kremlingo harresiko nekropolia | ||
Heriotza modua | berezko heriotza: Sukar tifoidea | ||
Hezkuntza | |||
Hizkuntzak | errusiera | ||
Jarduerak | |||
Jarduerak | politikaria, historialaria eta ekonomialaria | ||
Parte-hartzailea
| |||
Kidetza | Sobietar Batasuneko Alderdi Komunistaren Batzorde Zentrala | ||
Sinesmenak eta ideologia | |||
Alderdi politikoa | ![]() | ||
![]() ![]() |
Ivan Ivanovitx Skvortsov-Stepanov (errusieraz: Ива́н Ива́нович Скворцо́в-Степа́нов, 1870eko martxoaren 8agreg./otsailaren 24ajul. – 1928ko urriaren 8a) militante boltxebikea izan zen[1]..
Biografia
Ogibidez irakaslea, Marxen eta Engelsen lanen itzultzaile izan zen. 1892tik langile mugimenduan egondakoa, 1896an, Errusiako Langileen Alderdi Sozialistan sartu zen, eta 1904tik aurrera Alderdi Boltxebikeko militantea. 1905tik aurrera, Borba (Borroka) egunkariko erredakzio komiteko kidea izan zen. 1907 eta 1909 artean, Aleksandr Bogdanov eta Vladimir Bazarovekin batera Kapitala errusierara itzuli zuen, Leninen ustez hura zen errusierazko bertsiorik onena[1].
Hainbat aldiz atxilotu zuten, eta 1911an Arkhangelskeko probintziara lekualdatu zuten (zenbait iturriren arabera, garai horietan ezker muturreko boltxebikeekin bat zetorren). 1917an, itzuli ostean boltxebikeen Moskuko komiteko kide izan zen, eta Moskuko Komite Militar Iraultzaileko kide ere egin zen. 1914an, Prosvestxenie (Ilustrazioa) aldizkarian egin zuen lan. 1917ko Urriko Iraultzaren ostean, Finantzetarako Herri Komisario aukeratu zuten, baina ez zuen asko eman kargu horretan. Garai horietan, prentsan Urriko Iraultzaren zilegitasunaren inguruan argudiatu zuen polemista nagusienetakoa izan zen. 1918an, ezkerreko komunistekin lerratu zen. Hainbat aldiz Alderdi Boltxebikeko Komite Zentraleko kide aukeratu zuten[1].
1918-1924 artean, Pravda egunkariko eta Kommunist aldizkari teorikoko erredaktore izan zen, 1925tik aurrera, Sobieten Izvestia (Berriak) egunkariko zuzendari, eta 1926an, Pravdako zuzendariorde. Sobietar Batasuneko Langile Kooperatiben Elkarteko lehendakariorde izan zen. 1920an, Polonia-Sobietar Batasuna Gerra bitartean, Poloniako Komite Iraultzaileko kide izan zen. 1925an, Sobietar Batasuneko Alderdi Komunistako Komite Zentraleko kide aukeratu zuten, eta 1926an, Lenin Institutuaren zuzendari kargua hartu zuen. 1928 1an hil zen, tifus-gaixotasuna zela eta[1].
Erreferentziak
- ↑ a b c d Skvortsov-Stepanov, Ivan, K17 2017-06-05. CC0 Domeinu Publikoa
Datuak: Q2424654
Multimedia: Ivan Skvortsov-Stepanov / Q2424654