Izpi krepuskular
![](http://upload.wikimedia.org/wikipedia/commons/thumb/8/87/Amanhecer_no_Hercules_--.jpg/220px-Amanhecer_no_Hercules_--.jpg)
Izpi krepuskularrak[1] zeruan eguzkia dagoen puntutik ateratzen direla diruditen argi izpiak dira. Perspektiba efektu baten ondorioz puntu batean elkartzen direla diruditen arren izpiak ia paraleloak dira, urrunean bat egiten dutela diruditen trenbide paraleloetan bezala.
Krepuskular hitza krepuskulu esan nahi duen latinezko "crepusculum"-etik dator,[2] fenomeno hau egunsenti eta ilunabarretan maiz gertatzen baita.
Izpi antikrepuskularrak
Kasu batzuetan izpiek zerua zeharkatzen dute eta eguzkiaren aurkako aldeko puntu batean bat egiten dutela dirudi. Izpi horiek izpi antikrepuskularrak deitzen dira. Ez dira izpi krepuskularrak bezain maiz ikusten. Izpiek eguzkia dagoen aldean eta aurkakoan itxuraz bat egitea perspektiba efektu bat da.
Kolorea
Izpi krepuskularrek kolore laranja izaten dute maiz. Egunsenti eta ilunabarretan eguzki izpiek eguerdian baino distantzia luzeagoa egiten dute airean zehar eta Rayleighen sakabanaketaren ondorioz aireko partikulek uhin-luzera laburreko argia (urdina eta berdea) gehiago sakabanatzen dute uhin-luzera luzekoa baino (horia eta gorria).
Galeria
- Izpi krepuskularrak Namibian.
- Izpi krepuskularrak Golden Gate Parken, San Francisco (AEB).
- Izpi antikrepuskularrak Floridan (AEB).
- Ilargiaren izpi krepuskularrak.
Erreferentziak
Kanpo estekak
(Ingelesez) Atmospheric Optics: Crepuscular rays
Datuak: Q875322
Multimedia: Crepuscular rays / Q875322