Joaquin Atxukarro
Joaquin Atxukarro | |
---|---|
![]() (2019) | |
Bizitza | |
Jaiotzako izen-deiturak | Joaquin Achúcarro Arisqueta, Joaquin Atxukarro Arisketa hau |
Jaiotza | Bilbo, 1932ko azaroaren 1a (91 urte) |
Herrialdea | ![]() |
Familia | |
Ezkontidea(k) | Emma Jiménez |
Hezkuntza | |
Heziketa | Madrilgo Complutense Unibertsitatea Accademia Musicale Chigiana (en) ![]() Madrilgo Goi Mailako Errege-Musika Kontserbatorioa |
Hizkuntzak | gaztelania |
Jarduerak | |
Jarduerak | piano-jotzailea eta musikaria |
Jasotako sariak | ikusi
|
Kidetza | San Fernandoko Arte Ederren Errege Akademia Real Academia de Bellas Artes de Nuestra Señora de las Angustias (en) ![]() |
Musika instrumentua | pianoa |
![]() ![]() ![]() ![]() |
- Artikulu hau Joaquin Atxukarro buruzkoa da; beste esanahietarako, ikus «Atxukarro (argipena)».
Joaquin Atxukarro Arisketa[1] (Bilbo, Bizkaia, 1932ko azaroaren 1a) piano jotzailea da. Sari asko jasotzeaz gainera, kontzertu ugari eskaini ditu mundu guztian zehar. Bakarka eskainitako kontzertuez gainera, munduko orkestra garrantzitsuenekin bakarlari modura jotzen jarraitu du azken urteotan, baita diskoak grabatzen ere. 1990etik eskolak ematen ditu Dallasko (Texas, Ameriketako Estatu Batuak) Hegoaldeko Metodista Unibertsitatean.
1959an Liverpoolgo nazioarteko lehiaketa irabazi zuen, Ingalaterran, eta horrek munduko ateak zabaldu zizkion. Orduz geroztik 50 herrialde baino gehiagotan eta 200 orkestra baino gehiagorekin jo izan du munduan zehar. Euskal Herrian ere saio ugari eskaini ditu, eta bera izan zuen lagun 2000. urtean Euskadiko Orkestra Sinfonikoak Hego Amerikako hainbat herritan zehar egin zuen aurreneko bira arrakastatsuan. Urte berean, Maurice Ravel konpositorearen lanak biltzen zituen disko bat grabatu zuen Euskadiko Orkestra Sinfonikoarekin batera.
Sariak
- 1959an, Liverpoolgo (Ingalaterra) nazioarteko lehiaketa irabazi zuen.
- 1992an, Espainiako Gobernuak Musikako Sari Nazionala eman zion
- 2000an, UNESCOk bakearen aldeko musikari izendatu zuen.
- 2005ean, Eusko Jaurlaritzak euskal herritar unibertsal izendatu zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ EIMA: Eskola-liburuetako onomastikaren, gertaera historikoen eta artelanen izenak. Zerrendak.
Ikus, gainera
Kanpo estekak
- (Ingelesez)Atxukarroren webgunea
- «Lanbide honen zirrara, hari-harian bizitzearen arriskuak berak eragiten du», Euskonews & Media, 209. zenbakia, 2003-05-09
Datuak: Q2708045