Jon Cortina
Jon Cortina | |
---|---|
![]() (2005) | |
Bizitza | |
Jaiotza | Bilbo, 1934ko abenduaren 8a |
Herrialdea | ![]() |
Heriotza | Guatemalako Hiria, 2005eko abenduaren 12a (71 urte) (70 urte) |
Hezkuntza | |
Heziketa | Madrilgo Unibertsitate Politeknikoa |
Hizkuntzak | gaztelania |
Jarduerak | |
Jarduerak | ingeniaria, unibertsitateko irakaslea, apaiz katolikoa eta misiolaria |
Sinesmenak eta ideologia | |
Erlijioa | Erromatar Eliza Katolikoa |
Erlijio-ordena | Jesusen Konpainia |
Jon Cortina Garaigorta S.J. (Bilbo, 1934ko abenduaren 8 – Guatemala Hiria, 2005eko abenduaren 12) euskal apaiz jesuita eta ingeniaria zen, El Salvadorren Asociación Pro-Búsqueda de Niñas y Niños Desaparecidos elkartearen sortzaile. Askapenaren teologiaren bultzatzailea ere bazen.
Frankfurten Teologia – Jon Sobrino lagunarekin batera- eta Estatu Batuetan Ingeniaritza ikasi zituen.
El Salvadorrera misiolari joan zen 1955ean, non zubiak eta errepideak eraiki ez ezik Rutilio Grande aita jesuitarekin batera ere lan egin zuen Giza Eskubideen alde. 1977an Grande hil zutenean, Oscar Romero aita Jon Cortinari Aguilareseko bere parrokia eman zion.
Universidad Centroamericana Jose Simeon Cañasen (UCA) Ingeniaritza klaseak eman zituen non Jon Sobrino eta Ignacio Ellakuriak lan egin zuten.
1989ko azaroaren 16an, 26 militar salvadortarrek - horietatik 19 Ameriketako Eskolaren lizenziatuak- UCAn sartu eta sei jesuita -Ignacio Ellakuria errektorea tartean-, langile bat eta honen alaba hil zituzten. Jesuita bik baino ez zen bizi: Jon Sobrino Asian eta Jon Cortina Chalatenangon zeudelako.
Baina hilketak ez zuen aita Cortina makurtu eta Giza Eskubideen aldeko lanari lotu zion, batez ere umeen bahiketegatik kezkatuta. 1994an, Cortinak Asociación Pro Búsqueda de Niños elkartea sortu zuen adin-gutxikoak aurkitzeko, Mirna Perla de Anayarekin batera.
Cortina 2005ean hil arte, 754 kasu ikertu zituzten: 172 gaztek bere familia aurkitu zituzten, 39 hilda zeuden, 90 ez zuten familia ikusi nahi eta 453 oraindino desagertuak ziren.
2005eko azaroaren 24an burmuineko isuriak jo zuen Guatemala Hirian zegoela eta aste bi geroago hil zen.
Kanpo estekak
- Pro-Búsqueda Elkartearen webgune ofiziala
Datuak: Q978119