Josiah Wedgwood
Josiah Wedgwood | |
---|---|
![]() ![]() | |
Bizitza | |
Jaiotza | Burslem, 1730eko uztailaren 12a |
Herrialdea | ![]() |
Heriotza | Etruria (en) ![]() |
Hobiratze lekua | Staffordshire |
Familia | |
Aita | Thomas Wedgwood III |
Ama | Mary Stringer |
Ezkontidea(k) | Sarah Wedgwood (en) ![]() |
Seme-alabak | ikusi
|
Anai-arrebak | ikusi
|
Familia | ikusi
|
Hezkuntza | |
Hizkuntzak | ingelesa |
Jarduerak | |
Jarduerak | eltzegilea eta ekintzailea |
Lantokia(k) | Stoke-on-Trent |
Jasotako sariak | ikusi
|
Kidetza | Royal Society Ilargi-elkartea |
![]() ![]() |
Josiah Wedgwood (Burslem, Ingalaterra, 1730eko uztailaren 12a – Etruria, Ingalaterra, 1795eko urtarrilaren 3a) eltzegile eta diseinatzaile ingeles ospetsua izan zen XVIII. mendean
Biografia
XVII. mendetik zeramika egiten ari zen familia batean jaio zen, 12 anai-arrebetatik gazteena zen. Bere aita hil zenean, 1739an, familiaren fabrikan hasi zen lanean eta bost urteko ikastaldiaren ondoren Josiasek Thomas Whieldon eltzegile ospetsu batekin elkartzea erabaki zuen. 1754 inguruan bere zeramika-esperimentuak egiten hasi zen eta horien artean zegoen beira berdearen formula.
1759an Ivy House Works-en lantegi propio bat sortu zuen, eta bertan itxura berri samarreko zeramika-mota bat egiten hasi zen, luxuzko beira distiratsu batekin. Honek Charlotte erreginaren arreta erakarri zuen, hark enkargatu baitzituen material horren kolore txigortuko te- eta kafe-jokoak. 1765ean Josiasek materialari erreginaren zeramika bezala izendatzeko baimena jaso zuen.
Eskaria handitu zenez, Wedgwood-ek bere enpresa eraikin handiago batera eramatea erabaki zuen: Burslemeko Brick House Works-en. Bertan ekoizteko metodoak eta merkatu komertziala hobetzen hasi zen. Bere zeramikarekin ere gehiago esperimentatzen hasi zen, oxidoak erabiliz harri bitxiak imitatzeko. 1768an Thomas Bentley Liverpooleko merkatariarekin bat egin zuen bere koloretako zeramika neoklasiko berria merkaturatzeko.
1769an Etruriako (Staffordshire) fabrika sortu zuen; moldeen laguntzaz zeramikazko piezak fabrikatzeko lurrun-makina instalatu zuen lehen fabrika. 1774an bere Jasper ware kameu piezak aurkeztu zituen. George Stubbs edo John Flaxman bezalako artistek pieza hauetarako ereduak diseinatu zituzten.
XXI. mendean, Wedgwood anaien fabrikak mahai-tresnak eta dekorazio-objektuak fabrikatzen jarraitu zuen.
Charles Darwinen amaren aldeko aitona eta Emma Wedgwood emaztearen aitaren aldeko aitona zen.
Erreferentziak
- Charlotte Fiell; Peter Fiell (2006). El diseño industrial de la A a la Z. Taschen. ISBN 3-8228-5055-1.
- Biografía de Josiah Wedgwood[Betiko hautsitako esteka]
Kanpo estekak
- Wedgwood zeramikak
- Wedgwood museoa
Datuak: Q319331
Multimedia: Josiah Wedgwood / Q319331