Leonidas Proaño
Leonidas Proaño | |||
---|---|---|---|
1954ko martxoaren 18a - 1999ko martxoaren 20a ← Alberto Maria Ordóñez Crespo (en) ![]() ![]() Elizbarrutia: Riobambako Elizbarrutia | |||
Bizitza | |||
Jaiotzako izen-deiturak | Leonidas Eduardo Proaño Villalba | ||
Jaiotza | Ibarra Canton (en) ![]() | ||
Herrialdea | ![]() | ||
Heriotza | Quito, 1988ko abuztuaren 31 (78 urte) | ||
Hezkuntza | |||
Hizkuntzak | gaztelania | ||
Ikaslea(k) | ikusi
| ||
Jarduerak | |||
Jarduerak | apaiz katolikoa, irakaslea, teologoa eta apezpiku katolikoa | ||
Jasotako sariak | ikusi
| ||
Mugimendua | Askapenaren teologia | ||
Izengoitia(k) | El Obispo de los Indios | ||
Sinesmenak eta ideologia | |||
Erlijioa | Erromatar Eliza Katolikoa |
Leonidas Eduardo Proaño Villalba (San Antonio de Ibarra, Ekuador, 1910eko urtarrilaren 29a - Quito, 1988ko abuztuaren 31) apezpiku erromatar katolikoa izan zen. Haren pentsaera Askapenaren Teologiaren ildoan ezarri ohi da.
Bizitza
Ibarra hiriko San Diego Apaiztegi Txikian sartu zen. Hiriburuko San Jose Apaiztegi Handian sartu zen 1930 inguruan eta bertan ikasi zituen Filosofia eta Teologia. Apaiztu egin zen 1936an. Apezpiku egin ondotik egun gutxira, 1954 urtean, Riobambara heldu zen, elizbarrutiaren ardura hartzeko.
"Guadalupeko Ama Birjina" Etxe Indigena sortu zuen 1958 urtean. CELAM Latinoamerikar Apezpiku Batzordearen aurrean ordezkari lana bete zuen. Hain zuzen ere, CELAMen bitartez Latinoamerikako Institutu Pastoral Ibiltaria eratu zuen. Ekuadorko Herri Irrati Eskolak (ERPE) sortu zituen herri indigenen alfabetatze, heziketa eta ebanjelizazio programak burutzeko asmoarekin. Vatikanoko II. kontzilioan parte hartu zuen.
Hitzaldi ugari aurkeztu zituen, Ekuadorren bertan nahiz kanpoan, lan pastoralaz edo Latinoamerikako gizartearen, ekonomiaren eta kulturaren auziaz. Indigenek hala eskatuta, Joan Paulo II.a aita santuak "Indiarren Apezpiku" izendatu zuen.
1973 urtean gerrilaritzat salatu zuten eta Erromara agertu behar izan zuen, baina salaketa guztiak absolbitu zizkioten, nahiz eta 1976an preso egon Guillermo Rodríguez Lara jeneralaren diktadurapean. 1985an uko egin zion apezpikutzari eta Pastoral Indigenaren presidente izendatu zuten.
Hainbat Honoris Causa doktorego jaso zituen bai Ekuadorren eta bai atzerrian ere. Bakearen Aldeko Rothko Saria (Houston, AEB) jaso zuen 1986 urtean eta Giza Eskubideen aldeko Bruno Kreiski Saria (Austria), 1988an. Hil aurretik Ekuadorko Indiar Herria Fundazioa sortu zuen. Quiton zendu zen 1988ko abuztuaren 31an.
2008an Ekuadorko Biltzar Konstituziogileak Leonidas Proaño nazioaren ikur eta belaunaldi guztiendako eredu deklaratu zuen.
Kanpo estekak
- (Gaztelaniaz) Leonidas Proañoaren biografia
- (Ingelesez) Catholic Hierarchy web guneko fitxa
- (Gaztelaniaz) Ekuadorko Biltzar Konstituziogilearen ebazpena (2008)
- (Gaztelaniaz) Ekuadorko Kultur Ministerioaren hitzaldia (2010)
- (Gaztelaniaz) Creo en el hombre y la comunidad dokumentala YouTube web gunean
Datuak: Q1398412