Martin Díez Liatzasolokoa
Martin Díez Liatzasolokoa | |
---|---|
![]() | |
Bizitza | |
Jaiotza | Alkiza, 1500(e)ko hamarkada |
Herrialdea | ![]() |
Heriotza | Bartzelona, 1583 (73/83 urte) |
Hezkuntza | |
Hizkuntzak | gaztelania katalana |
Jarduerak | |
Jarduerak | eskultorea |
Martin Díez Liatzasolokoa (Alkiza, 1500 inguru - Bartzelona, 1583) Katalunian eskultore gisa ospetsua izan zen. Egile honi buruaz oso datu gutxi ezagutzen dira: jatorri euskalduna zuen eta Bartzelonan 1527 eta 1578 artean lan egin zuen. XVI. mendeko eskultore nagusietariko bat da.[1] Estiloren ikuspuntutik Pizkundeko egilea da.
![](http://upload.wikimedia.org/wikipedia/commons/thumb/0/07/Liazasoro_Baserria_aurriak.jpg/400px-Liazasoro_Baserria_aurriak.jpg)
Biografia
Urtetan ez zen bere jaiotze tokia ezagutzen. Gaur egun badakigu Alkizako Liatzasoro baserrian jaio zela.[2] Aitak Otsoa zuen izena eta amak Joana. Aitak eta matrimonioaren hiru semeek, Martin, Pedro eta Joan, Zaragozara emigratu zuten 1510 eta 1520 bitartean. Itxura denez, hiru semeek aitarekin ofizioa ikasi zuten.
1527an Bartzelonara joan zen eta bertan egin zituen bere lanik handienak. 1535ean Paula Boteyrekin ezkondu zen eta seme-alabarik ez zutela izan ematen du, testamenduan ondasun guztiak Bartzelonako Santa Cruz ospitaleari utzi baitzizkion.[3]
Beste artean eskultore hauen eragina izango zuen: Pedro Núñez, Enrique Fernández (1527) eta Damián Forment (1536) (Pobleteko erretaula). Kataluniako leku desberdinetan lan egin zuen: Bartzelona, Terrassa (1539), Moncada y Reixach (1544), Sassari (1548), Castellar del Vallés (1569), Llissá de Munt (1576) eta La Granada (1578).
Obra
Gutxi gordetzen dira:
- Lurperatze Santua, Terrassako Espiritu Santuaren katedralaren kriptan. Hau da gordetzen den bere lan garrantzitsuena.[4]
- Garaipenaren Ama Birjina, Bartzelonako Errege Jauregi Txikiaren kaperan.
Beste lan batzuk egozten zaizkion:
- Mariaren loaldia, Bartzelonako San Migel elizan (gaur egun Kataluniako Arte Museo Nazionalan erakusten dena).
- Montserrateko Andra Maria, Bartzelonako Justo eta Pastor Santuen elizan.
Beste batzuk galdu egin dira:
- Mollet del Vallèsen erretaula
- Dosriusen erretaula
- Canyamarsen erretaula
- Arenys de Munteko erretaula
- Sanaüjako Andra Maria
Iruditegia
- Terrasako Lurperatze Santua.
- Martín Díez de Liatzasolok eginiko bustoa, Marés museoan (Bartzelona).
Bibliografia
- Triadó, Joan Ramon (1998). «Segle XVI: de l'humanisme culte a l'humanisme reformat». Art de Catalunya, Escultura moderna i contemporània. Bartzelona, L'isard argitalpenak. ISBN 84-89931-03-8.
Erreferentziak
- ↑ https://www.biografiasyvidas.com/biografia/d/diez_de_liatzasolo.htm
- ↑ https://raco.cat/index.php/Urtx/article/view/169196/267071
- ↑ http://www.oilategitik.net/15/artikuluak/martin-diez-eskultorea-alkizako-litxasoko-semea-1500-1583..
- ↑ https://arquiterrassa.wordpress.com/2018/11/02/catedral-de-terrassa-3-el-templo-original/#more-10440
Kanpo loturak
Datuak: Q9029778
Multimedia: Martín Díez de Liatzasolo / Q9029778