Nicola Marschall

Nicola Marschall
Irudi gehiago
Bizitza
Jaiotza	St. Wendel, 1829ko martxoaren 16a
Herrialdea	Alemaniar Inperioa
Heriotza	Louisville, 1917ko otsailaren 24a (87 urte)
Hobiratze lekua	Cave Hill Cemetery (en)
Jarduerak
Jarduerak	margolaria
Lan nabarmenak	ikusi Edward Henry Bernhard (en) Mary Susan Robins (en) Sarah Rebecca Robins (en)
Genero artistikoa	erretratua
Zerbitzu militarra
Adar militarra	Confederate States Army (en)

Nicola Marschall (1829-1917) Gerra Zibilean Amerikako Estatu Konfederatuen kausaren alde egin zuen artista alemaniar-amerikarra izan zen. Amerikako Estatu Konfederatuetako lehen bandera, Izarrak eta Barrak, eta Estatu Konfederatuetako Armadaren uniforme gris ofiziala diseinatu zituen.^[1]

Marschall Saint-Wendelen jaio zen, Saxe-Coburgo eta Gotha dukerrian, 1829an Prusiar tabako merkatarien familia aberats batean. 1849an Estatu Batuetara emigratu zuen New Orleansera, Louisianara. 1851n Alabamara, Marionera joan zen bizitzera, eta han artea irakasten hasi zen lehenik bere erretratu estudioan, gero hango nesken seminarioan. 1857an, Munichera eta Italiara bidaiatu zuen bere teknika hobetzeko.

Mary Clay Lockett, Marion Napoleon Lockett abokatu ospetsuaren emazteak, Marschalli Amerikako Estatu Konfederatuak ordezkatzeko bandera sortzeko lehiaketan parte hartzeko eskatu zion. Marschallen sorrera lehen bandera konfederatua bihurtu zen, Montgomery-n (Alabaman) altxatu zen lehen aldiz 1861ko martxoaren 4an.^[2] Gerra Zibilean Marschall-ek Ingeniari Konfederatuen Bigarren Erregimentuan zerbitzatu zuen, Samuel Locketten agindupean. Gerra ostean, Marionengana itzuli eta Martha Eliza Marshallekin ezkondu zen.

Bere ibilbidean Jefferson Davis, Abraham Lincoln, Otto von Bismarck, Hegoaldeko hainbat familia eta Batasuneko eta Konfederazioko soldaduen erretratuak egin zituen. Nathan Bedford Forrest margotu zuen gutxietako bat izan zen. Horrez gain, paisaia eta koadro erlijioso ugari egin zituen. Ezaguna da pintura oraindik bustita zegoen bitartean altzairuzko boligrafo batekin beheko eskuineko erretratuak sinatzen eta datatzen zituela.^[3][4]

Gerraostean Hegoaldeko depresio ekonomikoa zela eta, 1872an Mobilera itzuli zen. 1873an Louisvillera (Kentuckyra) joan ziren bizitzera bera eta bere familia2. Filadelfiako 1876ko Erakusketa Unibertsalean domina bat irabazi zuen bere erretratuei esker. 1908an, erretratuak alde batera utzi zituen. Louisvillen hil zen 1917ko otsailaren 24an.^[5]

• 
  Neska gaztea katuarekin, 1859
• 
  Mary Susan Robins, 1859
• 
  Hale Haurra, 1863
• 
  Nicola Marschall, 1881
• 
  Napoleon Lockett, 1883
• 
  Estatu Konfederatuen bandera.

• Datuak: Q109301
• Multimedia: Nicola Marschall / Q109301