Oedemera lurida
| Oedemera lurida | |
|---|---|
  Irudi gehiago | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Oedemeridae |
| Leinua | Oedemerini |
| Generoa | Oedemera |
| Espeziea | Oedemera lurida Marsham, 1802 |
Oedemera lurida edemeridoen familiako kakalardoa da. Europan, Afrika iparraldean eta Ekialde Hurbilean zabaldurik dago, baita Euskal Herrian ere[1].
Deskribapena
Kakalardo oso txikia da, 5-8 mm hartzen baititu gehienez. Gorputza estua eta luzea du. Kolore berde ilun metalikoa edo gris metalikoa du eta elitroak ile finez estalita ditu.[2]
Buruan bi antena luze ditu eta begi handiak alboetan.
Habitata
Basoen ertzetan eta zelaietan bizi dira, lore asko aurkituko dituzten eremu eguzkitsuetan.
Bizi zikloa
Beldarrak usteltzen ari den egurretan edo lurreko humusean hazten dira eta egur ustela jaten dute, baita belarren kimuak ere[2]. Udaberrian metamorfosia burutu eta apirila eta uztaila artean ikusten dira intsektu helduak. Hauek loretako polenaz eta nektarraz elikatzen dira.[3]
Iruditegia
Erreferentziak
- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ a b «Oedemera lurida | NatureSpot» www.naturespot.org.uk (Noiz kontsultatua: 2024-09-03).
- ↑ (Ingelesez) «False Blister beetles in Scotland - SWSEIC» South West Scotland Environmental Information Centre 2019-04-09 (Noiz kontsultatua: 2024-09-03).
Kanpo estekak
| Autoritate kontrola |
|---|
Datuak: Q1552297
Multimedia: Oedemera lurida / Q1552297
Espezieak: Oedemera lurida
