Offset
![](http://upload.wikimedia.org/wikipedia/commons/thumb/2/22/Commercial._Le_Samedi_BAnQ_P48S1P03551.jpg/250px-Commercial._Le_Samedi_BAnQ_P48S1P03551.jpg)
Offseta inprimatzeko prozedura modernoa da. Prozedura honetan tintak ez du ukitzen papera, zilindro kate baten bidez (offset prentsa) inprimatzen baita irudia.
Zuri-beltzean inprimatzeko offset prentsak hiru zilindro ditu. Aurreneko zilindroan moldearen xafla jartzen da eta tinta isurtzen da han; hortik kautxuzko geruza bat duen bigarren zilindro batera igaroarazten da irudia eta, azkenik, zilindro hori ukituz hirugarren bat da, presiokoa deitzen dena; hala, papera bi zilindroen artean pasatzen denean, irudia inprimatzen da presioz.
Egunkarietako errotatibak eta inprimategietako makinak offset prentsak dira, eta oso bizkor inprimatzen dute; gainera, makinara sartzen den papera, orriz orri pasa beharrean, bobina batean bilduta egoten da eta etengabean automatikoki pasa daiteke zilindroetatik.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016/06/16 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q190408
Multimedia: Offset printing / Q190408