Séverine Vidal
Séverine Vidal | |
---|---|
![]() (2018) ![]() | |
Bizitza | |
Jaiotza | 1969ko abenduaren 22a (54 urte) |
Herrialdea | ![]() |
Hezkuntza | |
Hizkuntzak | frantsesa |
Jarduerak | |
Jarduerak | haur literaturaren idazlea, idazlea eta komiki gidoilaria |
severinevidal.blogspot.com | |
![]() ![]() ![]() |
Séverine Vidal (Frantzia, 1969ko abenduaren 22a) idazle eta komiki-gidoilari frantsesa da.
Biografia
Séverine Vidal 1969an jaio zen, Parisko eskualdean. Literaturako ikasketak egin eta hamabi urtez irakaskuntzan jardun ondoren, bizimodua idazle gisa ateratzea erabaki zuen, eta 2011tik bere denbora osoa ematen du lanbide horretan.[1] Idazketa-tailerrak ere zuzentzen ditu ikastetxeetan, zaharren egoitzetan, gizarte-zentroetan edo frantsesa ikasten ari diren helduekin.[1]
2010eko martxoan argitaratu zuen gazteei zuzendutako bere lehen liburua, Philo mène la danse, Éditions Talents Hauts argitaletxean,[2] Mayana Itoïz ilustratzaile baionarraren irudiekin.[3]
Séverine Vidalek literatur ekoizpen zabala du.[4] Gazteei eskainitako eleberriak, album ilustratuak eta komikien gidoiak idatzi ditu.[2] Bere liburuak hainbat hizkuntzatara itzuli dira eta sari ugari irabazi dituzte.[2]
Axl Cendres (1981-2019) idazlearen omenez 2019an sortutako Prix Cendres sariaren epaimahaikide izan zen.[5]
Gaur egun Girondan bizi da.[1]
Lanak
Eleberriak eta album ilustratuak
2011n, Vidalek Conte du haut de mon crâne argitaratu zuen La sourix que raconte argitaletxean. Liburu digital honek, Claire Fauchék ilustratua eta animatua, oso kritika onak jaso zituen.[1] Liburuak fintasun handiz kontatzen du Ari Allistair Arx-Sorensenen bizitza, aldi berean zorion erraldoia eta tristura bizia sentitzen dituen pertsonaia bitxia. Ipuinaren aurkezpena, ahotsez eta musikaz, ederra da eta kalitate grafiko handikoa. Ipuinean errealitatearen, abstrakzioaren, grabitatearen eta umorearen arteko mundu bat deskubritzen da.[6]
2017an, Manu Causse-rekin batera idatzitako Nos cœurs tordus eleberria argitaratu zuen Bayard argitaletxean.[2] Liburua 10 urtetik gorako gaztetxoei zuzenduta dago, eta jaiotzetik desgaitasuna duen Vladimir gazte zinemazale, dibertigarri eta sentikorraren lehen maitasuna kontatzen du.[2] 2017ko Gulli du Roman saria irabazi zuen.[7]
2018an, Pëpo (Bayard Jeunesse) idatzi zuen[8], urte berean Vendredi sarirako aukeratutako eleberria[9]. 2020an, bere liburu bat aukeratu zuten, berriz ere, sari horretarako: Soleil glacé (Robert Laffont, 2020).[1][10]
2022an, Le goût du temps dans la bouche argitaratu zuen Robert Laffont argitaletxean, helduei zuzendutako bere lehen eleberria.[1][11]
Komikiak
Séverine Vidalek 2012an argitaratu zuen, Estelle Billon Spagnol-ekin batera, bere lehen komikia: 5 H 22 : Paris-Toulouse (Frimousse argitaletxea).[12] Istorioa idazteaz gain, berak marraztu eta margotu zuen eleberri grafikoa.[13] Komikiak Paris eta Tolosa arteko bidaia batean hasi eta amaitzen den maitasun istorio bat kontatzen du.[12]
Handik aurrera, hainbat komikiren gidoiak idatzi ditu. Haien artean, ondokoak aipa daitezke: George Sand - Fille du siècle (2021, Delcourt)[14], Le plongeon (2021, Bamboo Edition)[15], Un monde si grand (2023, Bayard Graphic)[16] eta Nos cœurs tordus seriea (2023, Bayard)[17].
George Sand - Fille du siècle
George Sand - Fille du siècle (Kim Consigny-ren marrazkiak) George Sand idazle eta feminismoaren aitzindari frantziarraren biografia 344 orrialdetan kontatzen duen komikia da.[14] Elkarrizketa batean, Vidalek azaldu zuen zerk bultzatu zuen emakume horren bizitza kontatzera[18]:
«Segituan maitemindu nintzen inoren iritziaz axola-izpirik ere ez duen emakume aske honetaz, zer egitea komeni zaion erabaki eta egiteko zalantzarik ez duena. Kode Zibilak emakumeak adingabe, gaizkile eta "adimen-urritu" gisa tratatzen dituen gizarte batean, berak kateak haustea, senarrarengandik bereiztea, bere ondarea gordetzea eta bere lumatik bizitzea lortu zuen. Bi munduren arteko emakume mestizo honek —aristokrata, aitaren aldetik, eta plebeioa, amarenetik; baina beti herriaren aldekoa— hunkitu ninduen».[18]
Le plongeon
Le plongeon komikiak (Victor L. Pinel-en marrazkiak eta kolorea)[15] Yvonne 80 urteko emakumearen istorioa kontatzen du. Yvonnek, alargundu ondoren, bere etxea saltzea eta egoitza batera bizitzera joatea erabaki du. Hasiera-hasieratik ez zaio batere gustatu etxe berria, ez zuzendari berritsuegia, ez eta bere gela monastikoa ere. Baina Yvonnek ez du beste aukerarik egokitzea baino, bizitzen jarraitu nahi badu... Séverine Vidalek album hunkigarri eta intimo bat sortu du. Bertan Yvonnek aurre egin —eta bakarrik egonik gainditu— behar dien nahasmenduak deskribatzen ditu.[19] Egileak planteatzen duen istorioak oso ñabardura interesgarriak ditu, bere kasa molda daitekeen pertsona baten narriadura kognitibo arina zelan garatzen den erakusten baitigu. Horrela, nabarmendu egiten da zaharrekiko harremanetan gehiegizko babesa edo paternalismoa adierazteko joera. Alde horretatik, esanguratsua da Yvonnek bere kideekin festa xalo bat antolatzen duen eszena, zeinean neska txiki bat balitz bezala errieta egiten dioten. Bestalde, liburuak oso ikuspuntu interesgarriak jorratzen ditu, hala nola, adineko sexualitatea edo protagonistak duen zaletasun edo ilusio baten beharra errutinatik ihes egin ahal izateko.[20]
Un monde si grand
Un monde si grand (Élodie Durand-en marrazkia eta koloreak) Pëpo eleberriaren komikirako egokitzapena da.[21] 2023an, Montreuileko Salon du livre de jeunesse-n Les Pépites sarirako aukeratua izan zen.[22] Marjinalitateaz, familiaz, nerabezaroaz hitz egiten duen istorio gozoa eta hunkigarria da. Protagonista Pëppo da, Fridaren neba. Pëpo eta Frida Frantziako hegoaldeko kanpin batean karabana batean bizi dira. Egun batean, Frida joan egiten da eta bakarrik uzten du Pëppo bere bi haurtxoen kargu.[23]
Nos cœurs tordus
Nos cœurs tordus jaiotzetik desgaitasuna duen Vladimir gazte zinemazale, dibertigarri eta sentikorra protagonista duen komiki serie bat da.[24] Orain arte bi liburu baino ez dira argitaratu Bande D'ados argitaletxean: Ça tourne au collège! (2023)[25] eta New York avec toi (2024)[26] Vidalek Manu Causse-rekin elkarlanean idatzi zuen lehenengoaren gidoia, eta bakarrik bigarrenarena. Marrazkiak eta koloreak Javi Rey-renak izan dira bietan. Nos cœurs tordus-ek Prix des collèges de l'académie de Poitiers saria lortu zuen 2024ko Angulemako Komiki Azokan.[27] Horrez gain, aukeratua izan zen 2023ko Prix jeunesse Ville de Saint-Malo sarirako[28], eta 2024ko Prix BD France Bleu sarirako[29].
Sariak
- 2015eko Lyongo Prix Jeunesse Quais du Polar saria, Marion Puech-ek ilustraturiko La drôle d'évasion eleberriagatik.[30]
- 2015-2016ko Prix des dévoreurs de livres saria, Marion Puech-ek ilustraturiko La drôle d'évasion eleberriagatik.[31]
- 2017ko Prix Gayant Lecture saria Quelqu’un qu’on aime eleberriagatik.[32]
- 2017ko Prix Sésame saria Quelqu’un qu’on aime eleberriagatik.[33]
- 2017ko Prix Chronos de Littérature saria Quelqu’un qu’on aime eleberriagatik.[34]
- 2017ko Prix Gulli-du-roman saria Nos cœurs tordus eleberriagatik (Manu Causse idazlearekin batera).[35]
- 2023ko Prix Chronos de Littérature saria Le plongeon komikiagatik (Victor L. Pinel marrazkilariarekin batera).[36]
- 2024 Prix des collèges de l'académie de Poitiers saria, Angulemako Komiki Azokan, Nos cœurs tordus komikiagatik (Manu Causse idazlearekin eta Javi Rey marrazkilariarekin).[37]
Sarietarako aukeraturiko lanak
- Pëppo (Bayard)[38] eta Soleil glacé (Robert Laffont)[39] Vendredi sarirako aukeratu zituzten 2018an eta 2020an.
- Un Monde si grand (Bayard Graphic, Élodie Durand-en marrazkiarekin) 2023an, Montreuileko Salon du livre de jeunesse-n Les Pépites sarirako aukeratua izan zen.[40]
- Nos Coeurs tordus (Bayard, Manu Causse eta Javi Rey) aukeratua izan zen 2023ko Prix jeunesse Ville de Saint-Malo sarirako[41], eta 2024ko Prix BD France Bleu sarirako[42].
Obra nagusiak
Eleberriak
- 2010 : Philo mène la danse, Talents Hauts (2015ean berrargitaratua. Mayana Itoïz-en ilustrazioak).
- 2010 : Comment j'ai connu Papa, Le Rouergue, Dacodac bilduma.
- 2011 : Lâcher sa main, Éditions Grasset.
- 2012 : Les petites marées, Oskar éditions.
- 2012 : La meilleure nuit de tous les temps, éditions du Rouergue.
- 2014 : La drôle d'évasion, Marion Puech-en ilustrazioak, Sarbacane, Pépix bilduma.
- 2015 : Il était deux fois dans l'ouest, Anne-Lise Combeaud-en ilustrazioak, Sarbacane Pépix.
- 2015 : Quelqu'un qu'on aime, Sarbacane Exprim'.
- 2016 : La Drôle d'expédition, Sarbacane Pépix.
- 2016 : Le jour où j'ai trouvé un trésor, Vincent Sorel-en ilustrazioak, Auzou.
- 2017 : Nos cœurs tordus, Manu Causse-rekin batera idatzia, Bayard.
- 2017 : Le jour où je suis devenu détective, Vincent Sorel-en ilustrazioak, Auzou.
- 2018 : Pëppo, Bayard
- 2018 : Nos Cœurs tordus 2. liburukia, Manu Causse-rekin batera idatzia
- 2018 : Le jour où j'ai sauvé un fantôme, Vincent Sorel-en ilustrazioak, Auzou.
- 2019 : Mes vacances bien pourries, Oriol Vidal-en ilustrazioak, Milan.
- 2019 : Le jour où je suis devenu une star au Japon, Vincent Sorel-en ilustrazioak, Auzou.
- 2019 : L'étrange village de l'arbre-poulpe, AG Balpe-rekin batera, Jess Pauwels-en ilustrazioak, Rageot.
- 2019 : Des Astres, Exprim' bilduma, Sarbacane.
- 2020 : Soleil Glacé, Robert Laffont (R)
- 2020 : Nils et le peuple des nuages (Pépix), Sarbacane, Mioz Lamine-en ilustrazioak.
- 2020 : Son héroïne (Nathan, Court Toujours bilduma)
- 2021 : L'Été des Perséides (Nathan)
- 2021 : Tu reverras ton frère (Nathan)
- 2021 : Sous ta peau, le feu (Nathan)
- 2022 : Le Goût du temps dans la bouche (Robert Laffont)
- 2022 : Les folles semaines de Pia (Milan, Benjamin Strickler--en ilustrazioak)
- 2022 : George Sand, L'indomptée (Rageot)
- 2022 : Plus jamais petite (Nathan)
- 2023 : Pétouille cosmique, Ronan Badel-en ilustrazioak, Sarbacane.
Komikiak
- 2010 : Arsène veut grandir, Alice jeunesse.
- 2010 : Mona, dessins de Mathieu Bertrand, Les Enfants rouges.
- 2016 : La Belle absente, (BD adulte) Stéphane Barroux-en marrazkiak, Constance Joly-rekin batera idatzia, Les Enfants rouges.
- 2016 : Rose, Victor Pinel-en marrazkiak, Les Enfants rouges.
- 2018 : Magic Félix, Kim Consigny-ren marrazkiak, éd. Jungle, coll. Jeunesse
- Apprenti magicien, 2018 (ISBN 978-2-8222-2083-5)
- 2019 : La Maison de la plage, Victor Pinel-en marrazkiak, Marabulles.
- 2019 : L'Onde Dolto, (1. liburukia/2) Alica Jaraba-ren marrazkiak, Delcourt.
- 2020 : L'Onde Dolto (2. liburukia/2) Alicia Jaraba-ren marrazkiak, Delcourt.
- 2021 : Le Plongeon, Victor Pinel-en marrazkiak, Grand Angle.
- 2021 : George Sand : Fille du siècle, Kim Consigny-ren marrazkiak, Delcourt.
- 2022 : Naduah - Cynthia Parker, cœur enterré deux fois, Vincent Sorel-en marrazkiak, 112 orrialde, Glénat, Collection Karma, 2022ko martxoa (ISBN 978-2-344-04436-0).
- 2022 : Trois filles debout, Anne-Olivia Messana-ren marrazkiak, Jungle.
- 2022 : Mon père, Casimir et moi, Nina Jacqmin-en marrazkiak, Les enfants rouges.
- 2023 : Nos Cœurs tordus, 1. liburukia, Manu Causse-rekin batera, avi Rey-ren marrazkiak, Bayard, Bandes d'ado.
- 2023 : Les Pays d'Amir, Adrian Huelva-rekin batera, Grand Angle.
- 2023 : Un monde si grand, Elodie Durand-ekin batera, Bayard Graphic.
- 2023 : Le Seul endroit, Marion Cluzel-ekin batera, Glénat.
- 2024 : Nos coeurs tordus', 2. liburukia, Manu Causse-rekin batera, Javi Rey-ren marrazkiak, Bayard.
Gazteentzako albumak
- 2011 : J'attends Mamy, Cécile Vangout-en ilustrazioak, Alice Jeunesse.
- 2012 : Rien qu'une fois, Csil-en ilustrazioak, éditions Winioux.
- 2013 : L’œil du pigeon, Guillaume Plantevin-en ilustrazioak, Sarbacane.
- 2013 : Mon secret rit tout le temps, Vanessa Hié-ren ilustrazioak, Kilowatt.
- 2013 : 55 oiseaux, Csil-en ilustrazioak, Winioux.
- 2014 : J'aime mes cauchemars, Amélie Graux-en ilustrazioak, Gallimard.
- 2014 : Huit saisons et des poussières, Anne Montel-en ilustrazioak, Les p'tits bérets.
- 2015 : Tandem, Irène Bonacina-ren ilustrazioak, La Joie de lire.
- 2015 : Ma tête ailleurs, Pauline Comis-en ilustrazioak, Kilowatt. EUSKARAZ: Burua auzoan, Antton Garikanok itzulia, (Ibaizabal, 2018)[43]
- 2016 : Un pas puis mille, Julien Castanié-en ilustrazioak, La Pastèque.
- 2016 : Le livre envolé de Piotr-Olivius Pilgrim, Didier Jeunesse.
- 2017 : Sur mon fil, Louis Thomas-en ilustrazioak, Milan. EUSKARAZ: Hariaren gainean, Aztiri Itzulpen Zerbitzuak-ek itzulia, (Ttarttalo, 2017)[43]
- 2017 : J'ai vu un lion, Laurent Simon-en ilustrazioak, Milan .
- 2017 : l’insupportable journée (géniale) de Michel, Tanguy Loridant-en ilustrazioak, le diplodocus.
- 2018 : Frileux, Marc Majewski-ren ilustrazioak, Sarbacane.
- 2019 : Voyage de poche, Florian Pigé-ren ilustrazioak, Alice.
- 2019 : Plus tard, Audrey Calleja-ren ilustrazioak, le diplodocus.
- 2020 : Le Manteau, Louis Thomas-en ilustrazioak, Gallimard Jeunesse.
- 2020 : Le Petit secret, Clémence Monnet-en ilustrazioak, Les Éditions des Éléphants.
- 2021 : Monsieur Chien, Laurent Simon-en ilustrazioak, Mango.
- 2021 : Ma timidité, ill. Marie Leghima-ren ilustrazioak, Milan.
- 2021 : On a fait un vœu, Clémence Monnet-en ilustrazioak, Mango.
- 2022 : J'ai une maison, Adolie Day-en ilustrazioak, Marcel et Joachim.
- 2022 : J'habite une famille, Sophie Vissière-ren ilustrazioak, Casterman.
- 2022 : Sous mes souvenirs je dors, Charlotte des Ligneris-en ilustrazioak, Benjamin média
- 2023 : Le bateau rêve, Julien Arnal-en ilustrazioak, Gallimard jeunesse.
- 2023 : Histoires secrètes d'animaux fantastiques, Simon Bailly-ren ilustrazioak, Sens dessus dessous.
- 2024 : Le livre qui commence par la fin, Louis Thomas-en ilustrazioak, Sens dessus dessous.
Podcast-a
- 2020 : Les papiers d'Omar / Une histoire et Oli (France Inter) Sophia Aram-ekin batera idatzia.[44]
Erreferentziak
- Artikulu hau, osorik edo zatiren batean, frantsesezko wikipediako «Séverine Vidal» artikulutik itzulia izan da, 2024-05-03 data duen 214788663 bertsioa oinarritzat hartuta. Sartze-datarik ez duten erreferentziak, edo 2024-05-03 baino lehenago datatuak, jatorrizko artikulutik ekarri dira itzulpenarekin batera.
- ↑ a b c d e f «Séverine Vidal / Maison des écrivains et de la littérature» www.m-e-l.fr (Noiz kontsultatua: 2024-05-01).
- ↑ a b c d e (Frantsesez) «Séverine Vidal (auteur de Le plongeon)» Babelio (Noiz kontsultatua: 2024-05-01).
- ↑ (Frantsesez) «Philo mène la danse - Séverine Vidal» Babelio (Noiz kontsultatua: 2024-05-01).
- ↑ (Frantsesez) «Livres de Séverine Vidal. - Babelio.com» www.babelio.com (Noiz kontsultatua: 2024-05-01).
- ↑ (Frantsesez) «Prix Cendres» www.ricochet-jeunes.org (Noiz kontsultatua: 2024-05-01).
- ↑ (Frantsesez) Laure. (2012-06-28). «Conte du haut de mon crâne : bienvenue en littérature numérique jeunesse ! ⋆ La Souris Grise» La Souris Grise (Noiz kontsultatua: 2024-05-01).
- ↑ (Frantsesez) «Le Prix Gulli 2017 décerné à Nos cœurs tordus de Séverine Vidal» ActuaLitté.com 2017-09-28 (Noiz kontsultatua: 2024-05-01).
- ↑ (Frantsesez) «Pëppo - Séverine Vidal» Babelio (Noiz kontsultatua: 2024-05-01).
- ↑ (Frantsesez) Prix Vendredi - La sélection 2018. (Noiz kontsultatua: 2024-05-01).
- ↑ (Frantsesez) «Le Prix Vendredi révèle sa sélection 2020» Syndicat national de l'édition (Noiz kontsultatua: 2024-05-01).
- ↑ (Frantsesez) Belhache, Philippe. (2022-01-19). «Littérature : « Le Goût du temps dans la bouche », un portrait de famille avec son fantôme» SudOuest.fr (Noiz kontsultatua: 2024-05-01).
- ↑ a b (Frantsesez) «5h22 : Paris-Toulouse - Séverine Vidal» Babelio (Noiz kontsultatua: 2024-05-01).
- ↑ (Frantsesez) MAGNERON, Philippe. «5 H 22 : Paris-Toulouse - BD, informations, cotes» www.bedetheque.com (Noiz kontsultatua: 2024-05-01).
- ↑ a b (Frantsesez) Perroud, A.. «George Sand - Fille du siècle - BD, informations, cotes» www.bedetheque.com (Noiz kontsultatua: 2024-05-02).
- ↑ a b (Frantsesez) Logghe, T.. «Le plongeon - BD, informations, cotes» www.bedetheque.com (Noiz kontsultatua: 2024-05-02).
- ↑ (Frantsesez) MAGNERON, Philippe. «Un monde si grand - BD, informations, cotes» www.bedetheque.com (Noiz kontsultatua: 2024-05-02).
- ↑ (Frantsesez) MAGNERON, Philippe. «Nos cœurs tordus - BD, informations, cotes» www.bedetheque.com (Noiz kontsultatua: 2024-05-02).
- ↑ a b (Frantsesez) Zucchi, Jérémy. (2021-10-27). «George Sand, Fille du siècle (Critique de la BD)» Culturellement Vôtre (Noiz kontsultatua: 2024-05-02).
- ↑ (Frantsesez) «Le plongeon - Séverine Vidal» Babelio (Noiz kontsultatua: 2024-05-02).
- ↑ (Gaztelaniaz) Martínez, Alejandro. (2021-10-06). «La inmersión» Es la hora de las tortas!!! (Noiz kontsultatua: 2024-05-02).
- ↑ (Frantsesez) MAGNERON, Philippe. «Un monde si grand - BD, informations, cotes» www.bedetheque.com (Noiz kontsultatua: 2024-05-02).
- ↑ «Les Pépites du Salon : Portail du SLPJ» slpjplus.fr (Noiz kontsultatua: 2024-05-02).
- ↑ (Frantsesez) Abjean, Mik. «Un monde si grand - Séverine Vidal» Babelio (Noiz kontsultatua: 2024-05-02).
- ↑ (Frantsesez) MAGNERON, Philippe. «Nos cœurs tordus - BD, informations, cotes» www.bedetheque.com (Noiz kontsultatua: 2024-05-03).
- ↑ (Frantsesez) MAGNERON, Philippe. «Nos cœurs tordus -1- Ça tourne au collège !» www.bedetheque.com (Noiz kontsultatua: 2024-05-03).
- ↑ (Frantsesez) MAGNERON, Philippe. «Nos cœurs tordus -2- New York avec toi» www.bedetheque.com (Noiz kontsultatua: 2024-05-03).
- ↑ (Frantsesez) «Festival de la BD d'Angoulême 2024 : voici le palmarés complet» Franceinfo 2024-01-27 (Noiz kontsultatua: 2024-05-03).
- ↑ (Frantsesez) «Nos cœurs tordus» Les prix (Noiz kontsultatua: 2024-05-03).
- ↑ (Frantsesez) «Découvrez la sélection complète du Prix de la BD France Bleu 2024 - France Bleu» ici par France Bleu et France 3 2023-12-01 (Noiz kontsultatua: 2024-05-03).
- ↑ (Frantsesez) Mazin, Cécile. (2015-03-30). «Quais du polar : à Lyon, le succès se confirme» ActuaLitté.com (Noiz kontsultatua: 2024-05-03).
- ↑ (Frantsesez) «Prix des Dévoreurs de livres» www.ricochet-jeunes.org (Noiz kontsultatua: 2024-05-03).
- ↑ «Gayant Lecture (Prix littéraire) | CNLJ - La joie par les livres» cnlj.bnf.fr (Noiz kontsultatua: 2024-05-03).
- ↑ (Frantsesez) «Prix Sésame» www.ricochet-jeunes.org (Noiz kontsultatua: 2024-05-03).
- ↑ (Frantsesez) «Sélection Prix Chronos de littérature 2017» Prix Chronos de littérature (Noiz kontsultatua: 2024-05-03).
- ↑ (Frantsesez) «Prix Gulli du roman» www.ricochet-jeunes.org (Noiz kontsultatua: 2024-05-03).
- ↑ (Frantsesez) «Résultats Prix Chronos de Littérature 2023» Prix Chronos de littérature (Noiz kontsultatua: 2024-05-03).
- ↑ (Frantsesez) «Festival de la BD d'Angoulême 2024 : voici le palmarés complet» Franceinfo 2024-01-27 (Noiz kontsultatua: 2024-05-03).
- ↑ (Frantsesez) Prix Vendredi - La sélection 2018. (Noiz kontsultatua: 2024-05-01).
- ↑ (Frantsesez) Prix Vendredi - La sélection 2020. .
- ↑ «Les Pépites du Salon : Portail du SLPJ» slpjplus.fr (Noiz kontsultatua: 2024-05-02).
- ↑ (Frantsesez) «Nos cœurs tordus» Les prix (Noiz kontsultatua: 2024-05-03).
- ↑ (Frantsesez) «Découvrez la sélection complète du Prix de la BD France Bleu 2024 - France Bleu» ici par France Bleu et France 3 2023-12-01 (Noiz kontsultatua: 2024-05-03).
- ↑ a b «NorDaNor | EIZIE» nordanor.eus (Noiz kontsultatua: 2024-05-04).
- ↑ (Frantsesez) «"Les papiers d'Omar"» France Inter 2020-02-18 (Noiz kontsultatua: 2024-05-04).
Kanpo estekak
- Webgune ofiziala
- BD Gest
- Babelio
- Maison des écrivains et de la littérature
- Rencontre avec Séverine Vidal. YouTubeko Réseau des Médiathèques de Montpellier 3M kanalean.
- Interview de Séverine Vidal. YouTubeko Réseau Médiathèques Vals du Dauphiné kanalean.
Datuak: Q3511478
Multimedia: Séverine Vidal / Q3511478