Sandra Hüller
| Sandra Hüller | |
|---|---|
 (2018)  Irudi gehiago | |
| Bizitza | |
| Jaiotza | Suhl, 1978ko apirilaren 30a (46 urte) |
| Herrialdea |  Alemania |
| Hezkuntza | |
| Heziketa | Ernst Busch Academy of Dramatic Arts (en)  |
| Hizkuntzak | alemana ingelesa frantsesa |
| Jarduerak | |
| Jarduerak | antzerki aktorea, zinema aktorea, aktorea eta lifting truck operator (en) |
| Jasotako sariak | ikusi
|
| Kidetza | Berlingo Arteen Akademia |
        | |
Sandra Hüller (Suhl, Ekialdeko Alemania, 1978ko apirilaren 30a) alemaniar aktorea da. Bi aldiz Europako emakumezko aktore onenaren Sariaren irabazlea izan da eta 2024an emakumezko aktore onenaren Oscar Sarirako izendatu zuten, Justine Trietek zuzendutako Anatomie d'une chute filmean egindako antzezpenagatik.
Bizitza
Gaztaroa
Hüller Suhlen (Turingia, Ekialdeko Alemania) jaio zen eta Oberhof eta Friedrichroda herrietan hazi zen. Bi anai-arrebatan nagusia da eta gurasoek hezitzaile gisa lan egiten zuten.[1] Nerabezaroan antzezten hasi ondoren, 1996tik 2000ra antzerkia ikasi zuen Berlingo Ernst Busch arte dramatikoen akademian.
Karrera
Akademian graduatu ondoren, Hüller bi urtez bizi izan zen Leipzigen. Geroago, Suitzara alde egin zuen, Theater Basel konpainiarekin elkartzera. Han lau denboraldi eman zituen eta 2003an Theater heute aldizkariak urteko emakumezko aktore gazte onen izendatu zuen.[2][3]
2006an, 28 urterekin, bere lehen paper zinematikoa izan zuen, Hans-Christian Schmidek zuzenduriko Requiem filmaren protagonistarena hain zuzen.[1] Antzezpen honen ondorioz, Berlinaleko Zilarrezko Hartza eta Alemaniako Film Saria jaso zituen.[4][5]
Geroztik, 30 film baino gehiagotan agertu da, baita antzerki-ekoizpen anitzetan ere.[6] Sarritan Johan Simons antzerki-zuzendariarekin lan egin du.[1] 2012tik 2015era bitartean, Municheko Kammerspiele konpainiaren kidea izan zen. 2016an, Inesen papera egin zuen Toni Erdmann komedia pelikulan eta antzezpen horrek bere lehen Europako emakumezko aktore onenaren Saria irabazteko balio izan zion. 2018an, Bochumeko Schauspielhaus konpaniarekin bat egin zuen eta hurrengo urtean Simons zuzendariaren Hamlet antzezlanean protagonistaren papera egin zuen.[2] The New Yorker aldizkariaren esanetan, “kritikari alemaniarrek Hüllerren antzezpena goretsi zuten, argigarria izan zela esanez, ez bakarrik izaeraren azterketa gisa, baizik eta arte eszenikoaren gaitasunen esplorazio gisa”.[1]
2020an, osasun-larrialdiaren testuinguruan, Hüllerrek kultura- eta antzerki-sektoreko langileek esperimentatzen zuten egoera arriskutsu eta ezegonkorra salatu zuen. Bere aldarrikatzeari esker, gobernu alemaniarrak Alemaniako Merituaren Ordena eman zion.[7]
2023an, besteak beste, Oscar Sarietarako izendatu zituzten bi filmetan antzeztu zuen. Alde batetik, Sandra Voyterren papera egin zuen Justine Trieten Anatomie d’une chute drama judizialean. Antzezpen honengatik, Europako emakumezko aktore onenaren Saria irabazi zuen berriro eta emakumezko aktore onenaren Oscar Sarirako izendatu zuten.[8]
Bestetik, Hedwig Höss Auschwitzeko komandantearen emaztearen papera egin zuen Jonathan Glazerrek zuzendutako The Zone of Interest pelikulan, 2024an nazioarteko film onenaren Oscar Saria irabazi zuena. Hössen paperari buruz, Hüllerrek esan zuen: “Aktore gisa dudan boterea erabili nahi nuen ez pertsonaiari maitasuna, poza, asetasuna edo elkartasuna sentitzeko gaitasuna emateko, baizik eta hari gauza guzti horiek kentzeko. Ideia zen istorioa ahalik eta aspergarrien egitea, haiei ahalik eta poz eta hunkidura gaitasun txikienak ematea.”[1]
Beste jarduera artistikoei dagokienez, Hüller abeslaria ere bada eta 2020an Be Your Own Prince ingelesezko EPa kaleratu zuen.[9]
Bizitza pertsonala
Alemanieraz gain, Hüllerrek ingelesa, frantsesa eta gaztelania dakizki.[10] Leipzigen bizi da, 2011n jaiotako alabarekin.[1]
Filmografia
- 1999: Midsommar Stories – zuzendaria: Andi Niessner
- 2003: Kleine Schwester – zuzendaria: Thomas Adamicka
- 2003: Nicht auf den Mund – zuzendaria: Kathrin Feistl
- 2004: Kühe lächeln mit den Augen – zuzendaria: Johanna Icks
- 2005: Madonnen – zuzendaria: Maria Speth
- 2006: Requiem – zuzendaria: Hans-Christian Schmid
- 2008: Anonyma – Eine Frau in Berlin – zuzendaria: Max Färberböck
- 2008: Der Architekt – zuzendaria: Ina Weisse
- 2009: Fräulein Stinnes fährt um die Welt – zuzendaria: Erica von Moeller
- 2009: Roentgen – zuzendaria: Michael Venus
- 2009: Fliegen – zuzendaria: Piotr J. Lewandowski
- 2010: Henri 4 – zuzendaria: Jo Baier
- 2010: Aghet – Ein Völkermord – zuzendaria: Eric Friedler
- 2010: Brownian Movement – zuzendaria: Nanouk Leopold
- 2011: Über uns das All – zuzendaria: Jan Schomburg
- 2011: Fluss – zuzendaria: Michael Venus
- 2011: Der Kriminalist – zuzendaria: Filippos Tsitos
- 2013: Finsterworld – zuzendaria: Frauke Finsterwalder
- 2013: Pinocchio – zuzendaria: Anna Justice
- 2014: Vergiss mein Ich – zuzendaria: Jan Schomburg
- 2014: Polizeiruf 110 – zuzendaria: Alexander Adolph
- 2014: Amour Fou – zuzendaria: Jessica Hausner
- 2016: Toni Erdmann – zuzendaria: Maren Ade
- 2016: Der Tatortreiniger – zuzendaria: Arne Feldhusen
- 2017: Fack ju Göhte 3 – zuzendaria: Bora Dagtekin
- 2018: In den Gängen – zuzendaria: Thomas Stuber
- 2018: 25 km/h – zuzendaria: Markus Goller
- 2019: Sibyl - zuzendaria: Justine Triet
- 2019: Proxima – zuzendaria: Alice Winocour
- 2020: Exile - zuzendaria: Visar Morina
- 2020: Schlaf - zuzendaria: Michael Venus
- 2021: Ich bin dein Mensch - zuzendaria: Maria Schrader
- 2021: Munich – The Edge of War - zuzendaria: Christian Schwochow
- 2021: The Black Square - zuzendaria: Peter Meister
- 2022: Talking About the Weather - zuzendaria: Annika Pinske
- 2023: Sisi & Ich - zuzendaria: Frauke Finsterwalder
- 2023: Anatomie d'une chute - zuzendaria: Justine Triet
- 2023: The Zone of Interest - zuzendaria: Jonathan Glazer
Erreferentziak
- ↑ a b c d e f (Ingelesez) Mead, Rebecca. (2023-11-27). «How Sandra Hüller Approached Playing a Nazi» The New Yorker.
- ↑ a b (Ingelesez) «Sandra Hüller» Schauspielhaus Bochum.
- ↑ (Ingelesez) Roxborough, Scott. (2023-09-01). «Sandra Hüller, Actress of the Year?» The Hollywood Reporter.
- ↑ (Ingelesez) «Berlin winners» CBS News.
- ↑ (Ingelesez) «German Film Awards 2006» FilmAffinity US.
- ↑ «Sandra Hüller Credits» IMDb.
- ↑ (Ingelesez) «Sandra Hüller: from provincial theatres to the Oscar awards ceremony» Deutschland.de.
- ↑ (Ingelesez) «The 96th Academy Awards» Academy of Motion Picture Arts and Sciences.
- ↑ (Alemanez) Seidler, Ulrich. (2020-07-24). «Sandra Hüller: „Be Your Own Prince“ – Lächeln, schwelgen, verstecken» Frankfurter Rundschau.
- ↑ (Ingelesez) Canfield, David. (2023-11-15). «Sandra Hüller Steps—Cautiously—Into the Spotlight» Vanity Fair.
Kanpo estekak
- Sandra Hüllerren IMDBko fitxa (Ingelesez)
| Autoritate kontrola |
|---|
Datuak: Q70003
Multimedia: Sandra Hüller / Q70003
