Tamoxifeno
Tamoxifeno | |
---|---|
![]() | |
Formula kimikoa | C26H29NO |
SMILES kanonikoa | 2D eredua |
SMILES isomerikoa | CC/C(=C(\C1=CC=CC=C1)/C2=CC=C(C=C2)OCCN(C)C)/C3=CC=CC=C3 |
MolView | 3D eredua |
Konposizioa | karbono, Nitrogeno, oxigeno eta hidrogeno |
Mota | konposatu kimiko |
Masa molekularra | 371,225 Da |
Erabilera | |
Konposatu aktiboa | Soltamox (en) ![]() |
Tratatzen du | infant gynecomastia (en) ![]() |
Interakzioak | Warfarina, Azenokumarol eta Fluoxetina |
Elkarrekintza | estrogen receptor 1 (en) ![]() ![]() ![]() |
Haurdunaldia | Australian pregnancy category B3 (en) ![]() ![]() |
Rola | selective estrogen-receptor modulators (en) ![]() ![]() ![]() ![]() |
Identifikatzaileak | |
InChlKey | NKANXQFJJICGDU-QPLCGJKRSA-N |
CAS zenbakia | 10540-29-1 |
ChemSpider | 2015313 |
PubChem | 2733526 |
Reaxys | 2062020 |
Gmelin | 41774 |
ChEMBL | CHEMBL83 |
EC zenbakia | 234-118-0 |
ECHA | 100.031.004 |
MeSH | D013629 |
RxNorm | 10324 |
Human Metabolome Database | HMDB0014813 |
UNII | 094ZI81Y45 |
NDF-RT | N0000148024 |
KEGG | D08559 |
PDB Ligand | CTX |
Tamoxifenoa[1] bularreko minbiziaren terapia osagarri gisa erabiltzen den sendagaia da. Kirurgia eta kimioterapia amaitu eta 5 urteko epean erabiltzen dute, eta hainbat azterlanetan frogatu da tumorea berrerortzeko probabilitatea nabarmen gutxitzen duela.[2]
10 eta 20 miligramoko piluletan merkaturatzen dute. Eguneko dosia 20 eta 40 miligramo artekoa da, hartune batean edo bitan banatuta.[3]
Teknikoki, hartzaile estrogenikoen modulatzaile selektibo gisa sailkatzen dute. Bere ekintza-mekanismoa estrogenoaren aurkako efektuan oinarritzen da, hau da, tumore-zelulen garapena estimulatzen duen hormona horren ekintza blokeatzen du. Ez da baliagarria bularreko minbizi guztietan, baizik eta estrogenoentzako hartzaile espezifikoak dituzten zeluletan soilik. Bularreko tumoreak heterogeneoak dira maila zelularrean, eta soilik % 60k dituzte mota horretako hartzaile hormonalak.[2]
Haren eragina ez da bularrera mugatzen, hainbat organok estrogenoentzako hartzaileak baitituzte. Paradoxikoki, umetokian efektu agonista estrogenikoa du, eta hezurrean kaltzioaren asimilazioa hobetzen du; beraz, onuragarria da osteoporosian, emakume menopausikoen kasuan. Izan ere, menopausia aurreko emakumeengan kontrako efektua sor dezake, hezur-dentsitate mineralaren galera areagotuz.[4]
Paziente batzuengan eragin sekundarioa umetokiaren zati barnekoenaren lodiera handitzea da (hiperplasia endometriala). Tratatutako pertsonen % 1ek baino gutxiagok eragin dezake umetokiko minbizia. Horregatik, urtean behin azterketak egitea gomendatzen da, patologia hori detektatzeko. Beste albo-ondorio batzuk beroaldiak eta baginaren lehortasuna dira.
Batzuetan ondorio kaltegarriak larriak diren arren, farmakoaren onurak bere eragozpenak baino askoz handiagoak dira, pazienteen bizi-kalitatea eta biziraupena hobetuz.[2]
Erreferentziak
- ↑ Euskalterm: [Farmakoak Hiztegia] [2022]
- ↑ a b c Dr. John Link: Cáncer de mama y calidad de vida. Ediciones Robinbook S.L., Barcelona. ISBN 978-84-7927-774-1
- ↑ Vadenecum. De la A a la Z: Tamoxifeno.
- ↑ José Terán Dávila, Alejandro D. Teppa Garrán. 2005. Moduladores selectivos de los receptores estrogénicos (SERMs): bioquímica, farmacología y aplicación clínica en ginecología. Ginecol Obstet Mex 73:424-35
Kanpo estekak
Datuak: Q412178
Multimedia: Tamoxifen / Q412178
![]() | Artikulu hau medikuntzari buruzko zirriborroa da. Wikipedia lagun dezakezu edukia osatuz. |