Teresa Hurtado
Teresa Hurtado | |
---|---|
![]() | |
Bizitza | |
Jaiotza | Madril, 1947ko uztailaren 17a (77 urte) |
Herrialdea | ![]() |
Familia | |
Ama | Mary Carrillo |
Anai-arrebak | ikusi
|
Hezkuntza | |
Hizkuntzak | gaztelania |
Jarduerak | |
Jarduerak | aktorea eta komediantea |
![]() ![]() |
Teresa Hurtado, jaiotzaz María Teresa Hurtado Carrillo (Madril, 1947ko uztailaren 17a), madrildar aktorea da. Mary Carrillo aktorearen alaba, Fernanda Hurtadoren ahizpa bikia eta Paloma Hurtadoren ahizpa.[1] Hiru ahizpaek Hurtado ahizpak izeneko hirukote komikoa osatu zuten. Beste ahizpa nagusi bat ere izan zuen, Alicia, 1998an hila.[2]
Biografia
Artista-familia batean jaio zen, eta Bi hilabete besterik ez zituela, Madre Alegría lanean agertoki batera igo zen lehenbizikoz, Fernanda ahizpa bikiarekin batera.
Eszenatokietan trebatua, hirurogeiko hamarkadatik ibilbide garrantzitsua egin zuen telebistan, eta Narciso Ibáñez Serradorrekin izandako lankidetza nabarmendu behar da Historias para no dormir (El muñeco izeneko atala 1966), baita Novela saioan ere.
1967tik aurrera, Fernanda bikiarekin tandema osatu zuen, bai antzerkian (La muchacha del sombrerito rosa, Víctor Ruiz Iriarterena), bai telebistan (La casa de los Martínez seriean 1971ra arte), eta urtebete geroago, TVErentzako musika-ikuskizunean: TVE Divertido siglo (1972-1973), Fernando García de la Vegarena.[3]
Bere karrera zinematografikoa, aldiz, oso laburra izan zen eta dozena-erdi titulu besterik ez zuen egin. Ibáñez Serradorren La residencial (1969) lanean nabarmendu zen.
Hurtado ahizpak hirukotea
1979an, Hurtado ahizpak umorezko hirukotea osatu zuen Paloma eta Fernanda ahizpekin. 1982 eta 1994 bitartean ospe handia lortu zuten, TVEren Un, dos, tres... responda otra vez lehiaketan parte hartu zutelako. Bertan, Teresak bizia eman zion Inmaculada, La seño takañona pertsonaiari, neskazahar pedante eta sasijakintsuari, Pedro Sempsonek 1976 eta 1978 bitartean programaren bigarren denboraldian interpretatutako Lapiz irakaslearen pertsonaiaren oinordekoa.
Antzerkia
Antzerkira itzulita, 1991n, Antonio Galaren[4] Los buenos días perdidos (1991) eta José Luis Alonso de Santosen Hora de visita (1995) interpretatuko zituen, biak Mary Carrillo amarekin batera.[5]
Geroago, 1994an, Antena 3 Compuesta y sin novio telesailean parte hartu zuen, Lina Morgan protagonista zuela.
2012ko abenduan, garun-hodietako erasoa jasan zuen.[6]
Erreferentziak
- ↑ Mujer Actual
- ↑ Hemeroteca ABC
- ↑ La muchacha del sombrerito rosa, de Ruiz Iriarte en el Arlequín. 20 de abril de 1967.
- ↑ Veinte años después. 24 de febrero de 1991.
- ↑ Tal vez no. 30 de octubre de 1995.
- ↑ La actriz cómica Teresa Hurtado, se está recuperando de un ictus cerebral sufrido hace algunos días. 30 de diciembre de 2012.
Kanpo estekak
Datuak: Q6142573