Tunika
- Artikulu hau jantziari buruzkoa da; organo bat estaltzen duen ehun konjuntiboa gaitzat duena beste hau da: «Tunika (anatomia)»
![](http://upload.wikimedia.org/wikipedia/commons/2/23/Tunikakl%C3%A4dd_romersk_arbetare.jpg)
Tunika antzinako soineko zabala eta luzea, soingainekoaren azpian alkandora gisa eramaten zena. Orokorrean forma sinplea du eta hanketaraino iristen da. oso ohikoa izan zen antzinako herrialdeetan.
Antzinako Grezian, kolore distiratsuz tindatzen ziren, edo zuriak ziren, bestela. Lazedemoniarrek tunika gorriak janzten zituzten gerrarako, odola ez nabarmentzearren.
Antzinako Erroman, tunika barne-jantzi gisa eramaten zen. Erromako herritarrek eta herritar-kategoria ez zutenek ere erabiltzen zuten. Herritarrek togaren azpian erabiltzen zuten ospakizunetan. Tunikan zerrendak erantsi ohi ziren eta bestelako apaingarriak, erabiltzaileak gizartean zuen maila adierazteko. Senatariek eta patrizioek zerrenda purpura zabal batez hornitu ohi zuten beren tunika.
![](http://upload.wikimedia.org/wikipedia/commons/thumb/f/f8/Tunic_MET_TP256.jpg/220px-Tunic_MET_TP256.jpg)
Erdi Aroan kolore askotako tunikak eramaten ziren. Normandoek eta bikingoek erabili zuten eta Erdi Aroan gizonek erabiltzen jarraitu zuten. Norvegian, XVII. mendera arte erabili zen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q201714
Multimedia: Tunics / Q201714