Willow Smith
Willow Smith | |
---|---|
![]() ![]() | |
Bizitza | |
Jaiotzako izen-deiturak | Willow Camille Reign Smith |
Jaiotza | Los Angeles, 2000ko urriaren 31 (23 urte) |
Herrialdea | ![]() |
Lehen hizkuntza | ingelesa |
Familia | |
Aita | Will Smith |
Ama | Jada Pinkett Smith |
Anai-arrebak | ikusi
|
Hezkuntza | |
Hizkuntzak | ingelesa |
Jarduerak | |
Jarduerak | abeslaria, aktorea, egile abeslaria, musikagilea, dantzaria, zinema aktorea, telebista-aktorea, disko-ekoizlea eta estudioko musikaria |
Jasotako sariak | ikusi
|
Influentziak | Avril Lavigne, Paramore, My Chemical Romance eta Panic! at the Disco |
Kidetza | The Anxiety |
Izengoitia(k) | Willow |
Genero artistikoa | Indie popa alternative R&B (en) ![]() experimental pop (en) ![]() neo soul (en) ![]() hip-hopa dancea pop musika Dream popa R&B garaikidea rock indie rock Rock progresiboa pop-punk (en) ![]() rock alternatiboa alternative pop (en) ![]() |
Musika instrumentua | ahotsa gitarra pianoa |
Diskoetxea | Roc Nation (en) ![]() Interscope Records Polydor Records Columbia Records |
willowsmith.com | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Willow Camille Reign Smith (Los Angeles, Kalifornia; 2000ko urriaren 31), artistikoki Willow izenez ezagunagoa, aktore, modelo eta abeslari estatubatuarra da. Will Smithen eta Jada Pinkett Smithen alaba da, eta Trey Smithen eta Jaden Smithen arreba gazteena.
2007an hasi zen aktore lanetan I Am Legend filmean, eta gero Kit Kittredge: An American Girl filmean agertu zen, Abigail Breslin-ekin batera. Young Artist Award saria jaso zuen bere antzezpenarengatik. Antzezteaz gain, 2010eko udazkenean musikan murgildu zen; Jay-Z aholkulariarekin eta Roc Nation diskoetxearekin kontratu bat sinatu ostean, «Whip My Hair» eta «21st Century Girl» (2011) singleak kaleratu zituen. Hala, zigiluarekin sinatu duen artistarik gazteena da. «Whip My Hair» abestiak 11. postua lortu zuen Billboard Hot 100-en. Urteko bideorako izendatu zuten bideoa BET Awards sarietan 2011n.
Biografia
Will Smith eta Jada Pinkett Smithen alaba gazteena da. 2007an, I Am Legend filmean parte hartu zuen Will Smith aitarekin batera. 2008an Countee pertsonaiarena egin zuen Kit Kittredge: An American Girl filmean. 2009an, Madagascar filmeko Gabonetako bertsioan, Abbyren pertsonaiari eta Madagascar 2: Escape to Africa filmean Gloria haurtxoa pertsonaiari ahotsa jarri zien.
2009an eta 2010ean, True Jackson pertsonaia interpretatu zuen Nickelodeon telebista kateko True Jackson telesailean.
10 urte besterik ez zituela, Roc Nation zigiluarekin sinatu zuen, eta bere lehen singlea "Whip My Hair" kaleratu zuen, musika-ibilbideari hasiera emanez.
2011n, bigarren singlea atera zuen: "21st Century Girl". Urte bereko urrian, Nicki Minajek kolaborazio bat egin zuen Willow-ren hirugarren singlean, "Fireball". Smithek baieztatu zuen bere albuma Knees and Elbows (euskaraz, "Belaunak eta ukondoak") deituko zela. Bere hitzetan, izen hori aukeratu zuen: "edonor erori daiteke, eta bai, belaunak eta ukondoak urratu ditzakete, baina beti altxatzen dira". Roc Nation zigiluak ofizialki argitaratuko zuen diskoa 2012ko apirilaren 3an, baina, arrazoi ezezagunak direla medio, argitalpena ezeztatu zen.
2012ko maiatzaren 1ean, Smithek "Do it Like Me (Rockstar)" abestirako bideoklip bat argitaratu zuen bere YouTube kanal ofizialean.
BET Awards sarietan, Smithek "I Am Me" izeneko kanta berri baten aurrerapena eman zuen, Sia australiar abeslariarekin elkarlanean idatzi zuena. Abestia Newyorkcity-k zuzendutako bideoklip batekin batera, 2012ko uztailaren 1ean YouTube kontuan argitaratu zuen eta kaleratu eta astebete baino gutxiagoan bi milioi erreprodukzio baino gehiago zituen.
2013. urtean, hainbat abesti argitaratzen hasi zen bere SoundCloud kontuan, hala nola "Sugar & Spice", "Summer Fling", "Drowning", "Find You Somewhere", "Kite" eta "5". Abesti horiek soinu helduagoa zuten, eta hamahiru urte soilik izanda ere, letrak aurreko lanetan baino sakonagoak ziren. Ez dakigu abesti horiek hurrengo albumean sartuko diren. Smith hippie eta bisexuala izendatu da.
2014ko abuztuan, DJ Kitty Cash-ekin elkarlanean aritu zen '8' izeneko kanta batean, hura nahasteko. Abestiaren izenaren inguruan MTV News-i esan zion numerologiarekin zuen obsesioagatik izen hori jarri ziola.
Urte hauetan hainbat kolaborazio egin zituen, hala nola Machine Gun Kelly, Jaden Smith, Avril Lavigne, Travis Barker, Yungblud, SZA, Camila Cabello artistekin. PinkPantheress artistarekin, "Where You Are" abestian kolaboratu zuen, Skrillex eta Mura Masak koproduzitu zutena.
2015eko maiatzaren 7an "F QC #7" singlea atera zuen. Gero, abenduaren 11n, lehen diskoa atera zuen, Ardipithecus. Bere lehen albumaren izenburuari buruz, Willowk esan zuen "Ardipithecus Ramidus [sic] Sahelanthropus tchadensises lurrean aurkitutako hominidoen lehen hezurren izen zientifikoa da. Horrela izendatu nahi nuen nire bilduma, horrelako kantak egiten ari nintzela trantsizio egoeran nengoelako. Nire bihotzaren zoruan sakonki hondeatuz eta istorioak kontatzen dituzten nire antzinako niaren zatiak aurkituz, abestien letrak sortu ditut".[1]
Bere urtebetetzean, 2017ko urriaren 31n, "The 1st" bigarren albuma kaleratu zuen; bere garapen musikalagatik goraipatua izan zen, batez ere, nahiz eta garai hartan jaio ez izan, Willowk 1990eko hamarkadako R&B-ren aurrekoei jarraituz musika sortzeko duen gaitasunagatik.[2]
2018az geroztik, Red Table Talk aurkezten du ama eta amamarekin batera, Jada eta Adrienne Banfield-Norris, hurrenez hurren. Facebook Watch bidezko elkarrizketa-programa da, eta Daytime Emmy sarirako izendapena jaso zuen.[3][4]
2019ko ekainaren 24an, Smithek hirugarren estudio-albuma iragarri zuen, Willow (letra larriz estilizatua). 2019ko uztailaren 19an kaleratu zuen eta Tyler Cole-kin batera ekoitzi zuen.[5] Elkarrekin, The Anxiety album kolaboratiboa kaleratu zuten, 2020ko martxoaren 13an.
Smithek Lately I Feel Everything laugarren diskoa kaleratu zuen 2021eko uztailaren 16an, Tierra Whack eta Avril Lavigne bezalako artista gonbidatuekin.
2021. urtearen amaieran, The Anxiety-ren "Meet Me at Our Spot" Billboard Hot 100era iritsi zen, eta 21. postua lortu zuen. Urte berean, Time aldizkariak munduko 100 pertsona garrantzitsuenetariko bat izendatu zuen.[6] 2022an Forbes 30 Under 30 zerrendan sartu zen.[7]
2022ko apirilaren 8an, Camila Cabelloren "Psychofreak" abestian parte hartu zuen, "Familia" hirugarren estudio albumaren zati gisa. Egun berean, abestiaren bideo musikala kaleratu zen, jarraian Saturday Night Liven zuzeneko aurkezpena egin zuten.[8][9]
Bizitza pertsonala
2019ko ekainean, bisexuala zela aitortu zuen, "gizonak eta emakumeak berdin maite ditut" esanez. Horretaz gain, polimaitasunezko harremanen alde zegoela eta batean egotea gustatuko litzaiokela esan zuen.
Diskografia
Estudio albumak
- 2015: Ardipithecus
- 2018: The 1st
- 2019: Willow
- 2021: Lately I Feel Everything
- 2022: Coping Mechanism
Kolaborazio albuma
- 2020: The Anxiety
Singleak
- Whip My Hair
- 21st Century Girl
- Fireball (Nicki Minaj-ekin)
- I Am Me (Sia-rekin idatzia)
- Sugar & Spice
- Drowning
- Kite (Jaden Smith-ekin)
- 5 (Jaden Smith-ekin )
Beste single batzuk
- Do it Like Me (Rock Star)
Nahasketak
- Whip My Hair (Remix) (Nicki Minaj-ekin)
- 21st Century Girl (Remix) (Kay Caldwel-ekin)
Kolaborazioak
- Find You Somewhere (AcE & Jaden Smith-ekin)
- 8 (Kitty Cash-ekin)
- Psychofreak (Camila Cabelllorekin)
Singleak
Titulua | Urtea | Ziurtagiriak | Albuma |
---|---|---|---|
"Whip My Hair" | 2010 |
| Single independentea |
"21st Century Girl" | 2011 | ||
"Fireball" (Nicki Minaj-ekin) | |||
"Wait a Minute!" | 2016 |
|
Filmografia
Urtea | Titulua | Pertsonaia | Oharrak |
---|---|---|---|
2007 | I Am Legend | Marley Neville[13][14] | |
2008 | Kit Kittredge: An American Girl | Countee Garby | |
Madagascar 2: Escape to Africa | Gloria haurtxoa | Ahotsa | |
2009 | Madagascar (Gabonetako bertsioa) | Abby | Ahotsa |
Amulet | Emily[15] | ||
2017 | Neo Yokio | Helenist | Ahotsa, atal bat |
2018 | Adventure Time | Beth the Pup Princess | Ahotsa, atal bat |
2018 | Red Table Talk | Bera | Aurkezle-kidea, 37 atal |
2021 | A Man Named Scott | Bera | |
2022 | We Baby Bears | Bakarra | Ahotsa, atal bat |
Urtea | Filma | Pertsonaia |
---|---|---|
2009 - 2010 | True Jackson VP | True txikitan, bi atal |
Sariak eta izendapenak
Urtea | Zeremonia | Saria | Emaitza | Filma/Telesaila |
---|---|---|---|---|
2008 | Young Artist Awards | Aktore onena (hamar urte edo gutxiagoko aktorea) | I Am Legend | |
2009 | Antzezpen onena film batean | Irabazlea | Kit Kittredge: An American Girl | |
2010: | Annie Awards | Bikoizketa onena telebistako produkzioan | Madagascar (Gabonetako bertsioa) | |
2011 | VirtualMagazine Awards | Artista berri onena | Bera | |
NAACP Image Award[16] | Etorkizun oparoko artista berria | Bera | ||
Bideoklip nabarmena | "Whip My Hair" | |||
BET Awards | Urteko bideoa | |||
Artista berri onena | ||||
Izar Gaztea Saria | ||||
2012 | Bera |
Erreferentziak
- ↑ «Willow Smith surprise-releases debut album 'Ardipithecus'» NME.com 2015-12-11.
- ↑ Cook, Cameron (November 9, 2017). "Willow: The 1st." Pitchfork.com. Retrieved September 25, 2018.
- ↑ Butler, Bethonie. «The understated genius of Jada Pinkett-Smith's Red Table Talk» Washington Post.
- ↑ Nordyke, Kimberly; Howard, Annie. (2020-05-22). «Daytime Emmy Awards: 'General Hospital' Tops Nominations» The Hollywood Reporter.
- ↑ Barrie, Fatima. (2019-06-25). «Willow Smith Announces New Album and Mini-Tour» Def Pen.
- ↑ 'Red Table Talk' Hosts: TIME100 2021. .
- ↑ «Olivia Rodrigo, Willow Smith, Fletcher And More Join Forbes '30 Under 30' Class Of 2022» www.yahoo.com.
- ↑ Camila Cabello - psychofreak (Official Music Video) ft. WILLOW. .
- ↑ Watch: WILLOW makes SNL debut with Camila Cabello for psychofreak performance
- ↑ a b Willow- Certificaciones RIAA. .
- ↑ Whip My Hair BPI. .
- ↑ Wait a Minute! BPI. .
- ↑ Howell, Peter. (3 de diciembre de 2007). Will Smith goes it alone. .
- ↑ Freydkin, Donna. (11 de diciembre de 2007). 'Legend' premiere has that Smith family vibe. .
- ↑ Diane Garrett. (13 de marzo de 2008). Smith siblings to star in 'Amulet'. .
- ↑ D'Zurilla, Christie. (7 de marzo de 2011). '21st Century Girl' Willow Smith wins new-artist NAACP Image Award. Tribune Company.
Kanpo estekak
- webgune ofiziala
Datuak: Q298209
Multimedia: Willow Smith / Q298209