Cortinarius camphoratus
Cortinarius camphoratus | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Cortinariaceae |
Generoa | Cortinarius |
Espeziea | Cortinarius camphoratus Fr., 1838 |
Basionimoa | Agaricus camphoratus |
Cortinarius camphoratus Cortinariaceae familiako onddo espezie bat da.[1] Ez da jangarria.
Sinonimoa: Agaricus hircinus, Cortinarius hircinus, Cortinarius amethystinus.
Deskribapena
Kapela: 4 eta 10 cm bitarteko diametrokoa, hasieran erdiesferikoa, gero ganbila, baina erdian lautua eta azkenean zabaldu egiten da. Lila zurbil kolorekoa edo more kolorgetua, zahartzean koloregabetu egiten da, bukaeran, okre zurbil kolorekoa lila koloreko erreflexuekin, batez ere ertzean. Azala lehorra eta zetaduna.
Orriak: Estu, more argi kolorekoak, pixkanaka pixkanaka herdoil kolorea hartzen dute, esporen koloreagatik.
Hanka: Zuzena erdi inkurbatua, denean berdina edo oinarrian loditua, 6 eta 10 cm bitarteko garaierakoa eta 1 eta 2 cm bitarteko lodierakoa. Betea, trinkoa, lehorra, kapelaren kolore berekoa; oinarrian okre antzekoa edo marroi-laranja kolorekoa. Gortina fibrilosoa, zuria, iheskorra.
Haragia: Lodia erdian eta mehea ertzean; morez nabarmendutako lila kolorekoa hankaren goialdean eta hori-laranja kolorekoa hankaren oinarrian. Patata ustelen usain nazkagarria du.[2]
Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta.
Jangarritasuna
Ez da jangarria.[3]
Nahasketa arriskua
Beste espezie batekin ez nahasteko, Cortinarius camphoratus delakoaren usaina besterik ez da erabiltzen, patata ustelaren usaina duelako
Sasoia eta lekua
Udazkenean, hostozabalen eta koniferoen azpian hazten da. Urria.[4]
Banaketa eremua
Kanada, Ameriketako Estatu Batuak, Europa, Errusia, Kolonbia, Japonia.
Galeria
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 459 or. ISBN 84-404-0530-8..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 165 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 216 or. ISBN 84-282-0865-4..
Kanpo estekak
- Datuak: Q3915831
- Multimedia: Cortinarius camphoratus / Q3915831