Lentinellus vulpinus
Lentinellus vulpinus | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Russulales |
Familia | Auriscalpiaceae |
Generoa | Lentinellus |
Espeziea | Lentinellus vulpinus R. Kühner & R. Maire, 1934 |
Basionimoa | Agaricus vulpinus |
Lentinellus vulpinus Boletaceae familiako onddo espezie bat da.[1] Haragi larrukara, elastikoa, mina, ez da egokia kontsumitzeko.
Sinonimoak: Panellus vulpinus, Lentinus vulpinus, Agaricus vulpinus (basionimoa), Agaricus dubius, Hemicybe vulpina.
Deskribapena
Kapela: 12 eta 14 cm bitarteko diametrokoa, lautua, erdi-zirkularra (giltzurrun formakoa, haizemaile formakoa, oskol formakoa), ertz inkurbatua gaztetan, Kapelaren azala arre argi kolorekoa edo marroi-kanela kolorekoa, adinarekin zimurtzen joaten da, eta ile zuriz estaltzen da, oinarrirantz nabarmenagoa.
Orriak: Estu, desberdinak, hasietan koskadunak, kapelaren kolorekoak, zenbat eta gazteagoa argiagoak.
Hanka: Oso txikia. 3,5 cm inguruko garaierakoa eta 1,5 eta 3 cm bitarteko diametrokoa. Normalean alboan.
Haragia: Zurixka, elastikoa, heltzean larrukara. Usain aromatikoarekin eta zapore pikantearekin. Espora-jalkina zuri-krema kolorekoa.[2]
Etimologia: Lentinus terminoa latinetik dator, “lentus” hitzetik, eta zaila, elastikoa, esan nahi du, kapelaren haragiari erreferentzia eginez, zuntzezkoa eta larrukara. Vulpinus epitetoa ere latinetik dator, azerien vulpinoa. Azeri-larruaren antzeko kolorea duelako.
Jangarritasuna
Ez da jangarria. Larrukara.
Nahasketa arriskua
Erraz identifikatzen da, batez ere zahartzaroan (kapela zimurtua eta ertzak jada koskarik gabe). Lentinellus ursinus, oso antzekoa da, batere hankarik ez du, guztiz sesila.[3]
Sasoia eta lekua
Uda amaieran eta udazkenean. Espezie arraroa. Urria. Saprofitoa, Pagoen eta beste hostozabalen egur hiletan, batzuetan baita koniferoen egurretan ere.
Banaketa eremua
Kanada, Ameriketako Estatu Batuak, Venezuela, Europa, Errusia, Mongolia, Japonia, Australia.[4]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 692 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Lentinellus vulpinus: GBIF—the Global Biodiversity Information Facility.
Kanpo estekak
- Datuak: Q10658269
- Multimedia: Lentinellus vulpinus / Q10658269