Mukibotoi beltz
Mukibotoi beltza | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Leotiomycetes |
Ordena | Phacidiales |
Familia | Phacidiaceae |
Generoa | Bulgaria |
Espeziea | Bulgaria inquinans Fr., 1822 |
Basionimoa | Peziza inquinans |
Mukibotoi beltza (Bulgaria inquinans) Leotiaceae familiako onddo espezie bat da.[1] Haragi urria eta larrukara, ez du janaria prestatzeko balio.
Deskribapena
Karpoforoa: Mamitsua, 4 cm arteko diametroa duen masa gelatinakara trinkoa bezalakoa da. Kopa baten forma du, baina ez oso nabarmena, batzuetan zulo gabe, laua, ertzak ferra-forma du. Barrualdea beltza du eta kanpoaldea arre iluna. Zahartzean, dena beltz, likatsuagoa eta gelatinakara bihurtzen da.
Hanka: Ez du oin garbirik. Karpoforoa bera dago hildako adarrei lotuta.
Haragia: Arre-karamelu kolorekoa, gelatinakara, zaila, trinkoa, elastikoa.[2]
Etimologia: Inquinans epitetoa latinetik dator, kutsatzailea esan nahi duen "inquinans" hitzetik.
Jangarritasuna
Ez du balio sukalderako.[3]
Nahasketa arriskua
Exidia glandulosa delakoarekin, honen himenioak papila konikoak ditu, haragia ez da arre-karamelu kolorekoa, grisaxka baizik eta esporak ez dira fuliginosak, zuriak baizik.[4]
Sasoia eta lekua
Udan eta udazkenean oso ohikoa, sarritan, hostogalkorren zuhaitz edo adar hiletan talde handiak osatzen dituzte, batez ere haritzetan. Karpoforoak kolore beltzeko esporaz inguratuta egoten dira.[5]
Banaketa eremua
Ipar Amerika, Europa, Asia.
Erreferentzia
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 797 or. ISBN 84-404-0530-8..
- ↑ (Gaztelaniaz) Palazon Lozano Fernando. (2006). Setas para todos. JoseLuis Añanos Echo Editorial Pirineo, 530 or. ISBN 84-87997-86-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 679 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 332 or. ISBN 84-282-0865-4..
Kanpo estekak
- Datuak: Q1259907
- Multimedia: Bulgaria inquinans / Q1259907
- Espezieak: Bulgaria inquinans